✨️❤️ശാലിനിസിദ്ധാർത്ഥം 5❤️✨️ [??????? ????????] 229

 

 

” ഓഹോ ഇതാണല്ലേ ഇവിടെ പരിപാടി… എന്റെ ഭാവിവരൻ ആണാനൊന്നും ഞാൻ നോക്കൂല.. ഇങ്ങേരെ ഞാൻ…” ആ കാഴ്ച കണ്ട് കലിതുള്ളിയ അഗ്നിമിത്ര, അഗ്നിജിത്തിന്റെയടുത്തേക്ക് പാഞ്ഞു ചെന്നു.

 

“ഡാ.. പൊട്ടൻ ഏട്ടാ.. നിങ്ങൾ എന്തോന്നാ ഈ കാണിക്കുന്നത്…! കറിക്കുള്ള മസാലപൊടികളും മറ്റും എടുത്തു വെയ്ക്കുകയാണോ, അതോ രണ്ടും കൂടെ തോളിൽ കൈയിട്ട് സൊള്ളുകയാണോ…”

മിത്ര, ജിത്തുവിന്റെ ചെവിയിലൊന്നു കിഴുക്കി.

“ഹൌ..! ഹോ… ഇല്ല എന്റെ പൊന്നേ… ! ”

ചെവി തടവികൊണ്ട് ജിത്തു പറഞ്ഞു.

 

“ഹ്മ്മ്…! നീയെന്തോന്നാടി നോക്കി നില്ക്കുന്നത്.. പോയി റസ്റ്റ്‌ എടുക്ക്. പണി ശെരിയല്ലേയെന്ന് ഇടയ്ക്ക് വന്നു നോക്കിയാൽ മതി. ” മിത്ര, സിതാരയ്ക്ക് നേരെ തിരിഞ്ഞു.

 

” ശേ…! അതിന് ഞാനെന്ത് ചെയ്തു…” സിതാര ചിണുങ്ങി.

 

” നീ കൂടുതലൊന്നും പറയേണ്ട… അച്ചൂട്ടാ, നീ നിന്റെ ചേച്ചിയെ വിളിച്ചോണ്ട് പോ…” മിത്ര അൽപ്പം ദേഷ്യത്തിലായി.

 

” വാ ചേച്ചി, ഇനി ഇവിടെ നിന്നാൽ ശെരിയാവില്ല…” സിദ്ധാർഥ് അവന്റെ ചേച്ചിയെ പിടിച്ചുവലിച്ചു കൊണ്ടുപോയി.

 

 

അവരുടെയാ പോക്ക് കണ്ട് കണ്ണുമിഴിച്ചിരുന്നുപോയ അഗ്നിജിത്ത്, മിത്രയോടായി :

” എടീ, നിന്റെ പൊസ്സസ്സീവ്നെസ്സ് അൽപ്പം കൂടുന്നുണ്ട് കേട്ടോ…? അവളെന്റെ അനിയത്തിയല്ലേ. അവള് തോളിൽ കയ്യിട്ട് സംസാരിക്കുന്നതിൽ നിനക്കെന്താ ??? ”

 

ഉണ്ട്‌…! എനിക്ക് പ്രശ്നമുണ്ട്. നിങ്ങളേ, എന്റെ ചെക്കൻ ആണ്, എന്റെ ഭാവിഭർത്താവ്.

നിങ്ങളോട് ഇമ്മാതിരി കൊഞ്ചി കുഴയാൻ വരുന്നത് അവളായാലും അതല്ല വേറെ ആരാണെങ്കിലും എനിക്കത് സഹിക്കാൻ കഴിയില്ല. ഞാൻ ഇങ്ങനെ തന്നെ പ്രതികരിക്കും.” അഗ്നിമിത്രയുടെ ഭാവം മാറി.

 

” എടാ മിത്തൂസേ ഞാനൊന്നു പറഞ്ഞോട്ടെ…” ജിത്തു അവളുടെ അടുക്കലേക്ക് ചെല്ലാൻ ശ്രമിച്ചു.