✨️❤️ശാലിനിസിദ്ധാർത്ഥം 5❤️✨️ [??????? ????????] 229

 

” എന്ത് കൊണ്ടായികൂടാ…??? അപ്പോൾ നിങ്ങളെല്ലാവരും ഞങ്ങളെ വെറും അതിഥികളായാണോ കരുതിയിരിക്കുന്നത്…! ” മിത്രയുടെ മുഖത്ത് സങ്കടം നിറഞ്ഞു.

 

” ഹേയ് ഒരിക്കലുമല്ല… നിങ്ങൾ ഞങ്ങളുടെ മക്കൾ തന്നെയാണ്… ഈ കുടുംബത്തിന്റെ ഭാഗം തന്നെയാണ്….” ഭാമ മറുപടി നൽകി.

 

 

” പിന്നെന്താ ഞങ്ങൾക്ക് സഹായം ചെയ്താല്…???.” മിത്ര തിരികെ ചോദിച്ചു.

 

“അത് പിന്നെ…” ഭാമയും റാമും എന്ത് ചെയ്യണമെനറിയാതെ സംശയത്തോടെ നിന്നു.

 

” അമ്മേ അവര് പണി ചെയ്തോട്ടെ…. ജിത്തൂവേട്ടന്റെയും മിത്രേടത്തിയുടെയും പാചകം എങ്ങനെ ഉണ്ടെന്നു നോക്കാമല്ലോ.” “പിന്നെ വേണമെങ്കിൽ ഞങ്ങൾ സഹായത്തിനു നിൽക്കുകയേം ചെയ്യാം.” സിദ്ധുവും, താരയും അതിനെ പിന്തുണച്ചു.

 

 

ഹ്മ്മ് ശെരി ശെരി… നിങ്ങൾ എന്താണെന്നു വെച്ചാൽ ചെയ്തോ. പക്ഷേ ഒരു കാര്യം പറഞ്ഞേക്കാം, ദയവായി നിങ്ങൾ നാലുപേരും ആ അടുക്കളയെടുത്ത് തിരിച്ചു വെക്കരുത് പറഞ്ഞേക്കാം….

ഭാമ, ഒരു താകീത് നൽകിയിട്ട് അവിടെ നിന്നും പോയി.

 

“അപ്പൊ എങ്ങനാ.. പണി തുടങ്ങുവല്ലേ…??? ” വല്ലാത്തൊരു ഉന്മേഷത്തോടെ ജിത്തു ചോദിച്ചു…

 

” ങ്ങാ തുടങ്ങാം.. പക്ഷേ ഒരു പ്രശ്നമുണ്ട്. ഡ്രസ്സ്‌ മാറ്റിയിട്ടില്ല…” മിത്ര പറഞ്ഞു.

 

” അത് ശെരിയാണല്ലോ… എന്ത് ചെയ്യും ” ജിത്തു തല ചൊറിഞ്ഞു.

 

” ഡേയ് പിള്ളേരെ നിങ്ങൾ ഒരു കാര്യം ചെയ്യ്… സിദ്ധു, നീ നിന്റെ ബെഡ്‌റൂം, ജിത്തുചേട്ടന് കൊടുക്ക്. സിതാരാ, നിന്റെ റൂം മിത്രയ്ക്കും കൊടുക്ക്. താൽക്കാലത്തേക്ക് അത് മതിയല്ലോ.

 

നിങ്ങക്കുള്ള ബെഡ്‌റൂം വൈകിട്ട് തുറന്ന് തരാം. ആ റൂം കഴിഞ്ഞ ആഴ്ചയാണ് അവസാനമായി ക്ലീണാക്കിയെടുത്തത് …” അപ്പോഴും സോഫയിലിരുന്ന് പത്രം വായിക്കുകയായിരുന്ന, റാം അവർക്ക് നിർദ്ദേശം നൽകി.

 

 

“ഹായ് നല്ല ഐഡിയയാണല്ലോ… ജിത്തു ചേട്ടാ, പെട്ടിയെടുക്ക്. എന്നിട്ട് എന്റെ റൂമിലേക്ക് വാ… ” സിദ്ധാർഥ്, അഗ്നിജിത്തിനെ തന്റെ മുറിയിലേക്ക് ക്ഷണിച്ചു.

 

“എന്നാൽ അങ്ങനെയാവട്ടെ…” ജിത്തു

ഉടനെതന്നെ ലിവിങ്റൂമിൽ, ടിവി സ്റ്റാൻഡിനടുത്ത് വെച്ചിരിക്കുകയായിരുന്ന തന്റെ ട്രോളി ബാഗും, സ്യൂട്ട്കേസുമെടുത്ത് സിദ്ധുവിന്റെ കൂടെ മുകൾ നിലയിലേക്ക് പോയി.

 

” ഇനി നമ്മൾ എന്തിനാ ഇങ്ങനെ നിക്കുന്നത്.. വാ മുകളിലേക്ക് പോകാം… നിന്റെ മുറിയൊക്കെ എനിക്കൊന്നു കാണണമെല്ലോ “. മിത്രയും തന്റെ ബാഗുകളുമെടുത്തു സിതാരയോടൊപ്പം മുകളിലേക്ക് പോയി.

 

*****************************************

 

” ചേച്ചി, ഞങ്ങൾ എന്താ ഇപ്പ ചെയ്യേണ്ടേ ??? ” സിദ്ധാർഥ്, പച്ചക്കറികളൊക്കെ ടാപ്പ് വെള്ളത്തിൽ കഴുകികൊണ്ടിരിക്കുകയായിരുന്ന അഗ്നിമിത്രയോട് ചോദിച്ചു.

“എന്റെ മോൻ ഇപ്പൊ ഒന്നും ചെയ്യണ്ട.. ഇതൊക്കെ ഒന്ന് നോക്കികൊണ്ടിരുന്നാൽ മതി കേട്ടോ.

 

” ങ്ങേ.. ഞാൻ ഒന്നും ചെയ്യേണ്ടേ…??? അപ്പൊ ദാ അവരെന്താ ചെയ്യുന്നത് ”

അവൻ കുറച്ച് അപ്പുറത്തേക്ക്, ജിത്തുവും സിതാരയും വർക്ക്‌ ചെയ്യുന്നിടത്തേക്ക് ചൂണ്ടികാണിച്ചു.