✨️❤️ശാലിനിസിദ്ധാർത്ഥം 5❤️✨️ [??????? ????????] 229

 

” ആഹ് ഉണ്ട്‌.. രണ്ടു മാസങ്ങൾക്കു മുൻപ്.. ഞങ്ങളദ്ദേഹത്തെ പോയി കണ്ടിരുന്നു… താമസം പാറുമുത്തശ്ശിയോടൊപ്പം ആയത് കൊണ്ട് ആരോഗ്യമൊക്കെ നല്ലരീതിയിൽ തന്നെയാണ്… പിന്നെ അക്കുവും അവിടെയാണ്.” മിത്ര പറഞ്ഞു നിർത്തി.

 

“അതേത് മുത്തച്ഛനാ അച്ഛാ… ??? ” സിദ്ധാർഥ് സംശയം ഉന്നയിച്ചു.

 

“എടാ അച്ചൂട്ടാ നിനക്ക് മിത്ര ചേച്ചിയുടെ മുത്തച്ഛൻ, ജഗൻ മുത്തച്ഛനെ ഓർമയില്ലേ…. പണ്ട് പട്ടാളത്തിലായിരുന്ന..??? ” ഭാമ, തിരികെ ചോദിച്ചു.

 

” ഇല്ലല്ലോ… ആരാ അത് ??? ” സിദ്ധുവിന് പിന്നെയും സംശയമായി.

 

സിദ്ധുവിന്റെ ആ ഭാവമാറ്റങ്ങൾ കണ്ട് അവിടെയുണ്ടായിരുന്ന രണ്ടുപേരൊഴിച്ചു മാറ്റാരും തന്നെ ഞെട്ടിയില്ല…

 

അപ്പൊ നിനക്ക് ജഗൻ മുത്തച്ഛനെയും , പാറു മുത്തശിയെയും, അക്കുവിനെയും.. ആരെയും ഓർമയില്ലേ….??? ” ജിത്തു അത്ഭുതത്തോടെ അവനോട് ചോദിച്ചു.

 

“ഇല്ലന്നേയ്…! എനിക്കാരെയും ഓർമ്മ വരുന്നില്ല ” സിദ്ധാർഥ് തീർത്തു പറഞ്ഞു.

 

” എന്താ അവിടെ ??? “… സിതാര അപ്പോഴായിരുന്നു താഴോട്ടിറങ്ങി വന്നത്.

 

“ ആഹാ നീയിമുകളിൽ എന്ത് ചെയ്ത് കൊണ്ടിരിക്കുകയായിരുന്നു. ഫോണിൽ ആയിരുന്നോ ??? ” സിതാര താഴോട്ടിറങ്ങി വരുന്നത് കണ്ട മിത്ര ചോദിച്ചു.

 

 

” ങ്ങാ അത് ഞാനെന്റെ ഫ്രണ്ടിനോട് സംസാരിക്കുകയായിരുന്നു…” സിതാര തപ്പിതടഞ്ഞു കൊണ്ട് പറഞ്ഞു.

 

” അതേത് ഫ്രണ്ട്… ഫ്രണ്ടിന് പേരും നാളുമൊന്നുമില്ലേ…??? ” മിത്ര സംശയത്തോടെ പുരികമുയർത്തി.

 

” അവളുടെ പേര് ശ്യാമയെന്നാ… ” സിതാര, പെട്ടന്ന് നാവിൽ വന്ന ഒരു പേര് പറഞ്ഞു.

 

” ഹ്മ്.. ശ്യാമയെന്ന് തന്നെയാണോ അവളുടെ പേര് ??? ” മിത്ര അവളെ വിട്ടില്ല.

 

“ജിത്തുവേട്ടാ.. ഈ ചേച്ചിയോട് ഒന്ന് മിണ്ടാതിരിക്കാൻ പറയോ… പ്ലീസ്..! ” മിത്രയുടെ ചോദ്യം ചെയ്യലിൽ വല്ലാതെ കുഴങ്ങിപ്പോയ താര ജിത്തുവിനോട് അപേക്ഷിച്ചു.

 

“എടീ മിത്രേ… നിനക്കൊന്നു മിണ്ടാതിരിക്കാൻ പറ്റത്തില്ലേ.. വെറുതെ എന്തിനാ വേണ്ടാത്ത കാര്യങ്ങളെ കുറിച്ച് ചോദിച്ച് അവളെ ബുദ്ധിമുട്ടിക്കുന്നത്…” ജിത്തു , സിതാരയുടെ രക്ഷയ്‌ക്കെത്തി.

 

 

” ഓ ഞാൻ വെറുതെ, ഇവള് പറയുന്നത് സത്യമാണോ എന്നറിയാൻ വേണ്ടി ചോദിച്ചതാണ്…. ” മിത്ര തിരിച്ചടിച്ചു.

 

” സത്യമായിരിക്കും.. കാരണം അവളെങ്ങനെ കള്ളത്തരമൊന്നും കാണിക്കാത്ത കുട്ടിയാണ്….” ഭാമ അവളെ സപ്പോർട്ട് ചെയ്തു.