✨️❤️ശാലിനിസിദ്ധാർത്ഥം 5❤️✨️ [??????? ????????] 229

 

” അതല്ല പപ്പാ… പപ്പായ്ക്കറിയാമല്ലോ, അദ്ദേഹം പണ്ട് ന്യൂഡൽഹിയിൽ സേവനമനുഷ്ഠിക്കുമ്പോഴായിരുന്നു അദ്ദേഹത്തിന്റെ ജീവിതത്തെ തന്നെ മാറ്റിമറിച്ച സംഭവങ്ങളുണ്ടായത്…. മിത്രയുടെ അച്ഛൻ, വിജയ് വല്യച്ഛനെ അദ്ദേഹം കണ്ടുമുട്ടിയതും ആ സംഭവങ്ങൾക്കിടയിലായിരുന്നു.

 

ആ മണ്ണിൽ മുത്തച്ഛന് പ്രിയപ്പെട്ട പലരുടെയും ഓർമ്മകൾ നിലനിൽക്കുന്നുണ്ട്, അത് അദ്ദേഹത്തിനെ കീഴ്പെടുത്തും എന്നുള്ള കാര്യം അറിയാവുന്നത് കൊണ്ടാണ് അദ്ദേഹം ഡൽഹിയിൽ വരാൻ കൂട്ടക്കാതെ പാറുമുത്തശ്ശിയോടൊപ്പം അമേരിക്കയിലേക്ക് പോയത്.. ”

 

“അതെ മോനെ… സത്യമാണത്. നിന്റെ മുത്തച്ഛനു ആ മണ്ണ് വളരെയധികം പ്രിയപ്പെട്ടതായിരുന്നു… നമ്മുടെ നാടിനെക്കാളേറെ അദ്ദേഹത്തിന് പ്രിയപ്പെട്ടതായിരുന്നു, നമ്മുടെ രാജ്യതലസ്ഥാനനഗരി.

പക്ഷേ ആ നശിച്ച കാളരാത്രിയ്ക്ക് ശേഷം അദ്ദേഹത്തിന് വളരെയധികം വേദനയോടുകൂടി അവിടം വിടേണ്ടി വന്നു…” റാം വേദനയോടെ ഓർത്തു.

 

” ആരുടെ കാര്യമാ നിങ്ങളീ പറയുന്നത്…”

 

പെട്ടന്നവിടേക്ക് ഒരു ട്രേയിൽ ഗ്ലാസുകളിലായി നാരങ്ങാവെള്ളവുമായി വന്നുകൊണ്ട് ഭാമ ചോദിച്ചു. അവരുടെ കൂടെ സിദ്ധുവും, മിത്രയുമുണ്ടായിരുന്നു.

 

ഭാമയുടെ കണ്ണുകളിൽ , ആരും സഹായത്തിനില്ലാതെ ജോലി ചെയ്ത് തളർന്നതിന്റെ ഭാവം തെളിഞ്ഞു കാണാമായിരുന്നു.

 

അതേസമയം, സിദ്ധുവും മിത്രയുമാണെങ്കിൽ പരിസരം മറന്ന് ഉച്ചത്തിൽ സംസാരിച്ചു, കളിചിരികളിൽ ഏർപ്പെട്ടു കൊണ്ട് മുന്നോട്ട് പോവുകയാണ്.

 

 

“ഹാ അതോ.. അത് ഞങ്ങൾ ദാ ഇവളുടെ മുത്തച്ഛനെ കുറിച്ച് സംസാരിക്കുകയായിരുന്നു…” റാം മിത്രയെ ചൂണ്ടികൊണ്ട് ചോദിച്ചു.

 

” അതെന്തുവാ മുത്തച്ഛനെ കുറിച്ച് ഇപ്പോഴൊരു സംസാരം…??? ” മുത്തച്ഛനെന്നു കേട്ടപ്പോൾ ശ്രദ്ധയങ്ങോട്ടായ മിത്ര, ഒരൽപ്പം നീരസത്തോടുകൂടി ചോദിച്ചു.

 

” എന്താണെന്നു വെച്ചാൽ, നിന്റെ പപ്പാ മുത്തച്ഛനെ കണ്ടിട്ട്, കുറേ കാലമായില്ലേ…! ഇനി കാണുവാൻ പറ്റുമോ എന്ന് ചോദിച്ചതാ.. ” ജിത്തു അത്രെയും പറഞ്ഞിട്ട് റാമിന്റെ മുഖത്തേക്ക് നോക്കി. അത് കേട്ടു , റാം പതിയെയൊന്നു പുഞ്ചിരിച്ചു.

 

 

” ഹ്മ്മ് അതായിരുന്നോ…! ഏട്ടൻ, മുത്തച്ഛന്റെ മറ്റുകാര്യങ്ങൾ വല്ലതും പറഞ്ഞായിരുന്നോ പപ്പാ …??? ” അവർക്കെതിരെയുള്ള സോഫയിൽ ഇരുന്നുകൊണ്ട് മിത്ര ചോദിച്ചു.

 

” അതൊക്കെ അവൻ പറഞ്ഞു മോളേ… ആട്ടെ നീയിപ്പോൾ വല്യമ്മാവനെ പോയി കാണാറില്ലേ…??? ” റാം ചോദിച്ചു.