✨️❤️ശാലിനിസിദ്ധാർത്ഥം 5❤️✨️ [??????? ????????] 229

 

 

“ഓ… അല്ലേലും നമ്മളെ ആർക്കും വേണ്ടല്ലോ … എല്ലാവർക്കും മൂത്തമോനെ മാത്രം മതിയല്ലോ ”

അവരുടെ പ്രവർത്തികൾ നോക്കിനിൽക്കുകയായിരുന്ന മിത്ര അൽപ്പം ഈർഷ്യയോടുകൂടി പറഞ്ഞു.

 

“എന്നാരാടി പറഞ്ഞത്.. ഇങ്ങോട്ട് വാ..”

ഭാമ അവൾക്കു നേരെ തന്റെ കൈകൾ നീട്ടി…

മിത്രയാകട്ടെ അതോടെ ഓടിച്ചെന്നു ഭാമയെ കെട്ടിപിടിച്ചു.

ഭാമ അവൾക്കും മൂർദ്ധാവിൽ ഒരു മുത്തം നൽകി.

 

” അതേയ്… ബാക്കി സ്നേഹ- പ്രകടനങ്ങളൊക്കെ വീട്ടിനകത്തു ചെന്നിട്ട് പിന്നെ മതി. നിനക്ക് സ്നേഹിച്ചു കൊതിതീർക്കാൻ പിള്ളേര് ഇവിടെ ഒരു മാസം കാണും… അവര് വന്നിട്ട് ഇപ്പോൾ അരമണിക്കൂറിൽ കൂടുതലായിട്ടുണ്ട്…. ”

 

” അയ്യോ പറയുന്നത് പോലെ, ഇവര് ഇവിടെ തന്നെ നിൽക്കുവാണല്ലോ. വാ മോളേ അകത്തേക്ക് വാ.. മോനെ ജിത്തൂ, അകത്തേക്ക് വാ. നിങ്ങൾ ഇവിടെ വരുന്നത് രണ്ടാമത്തെ തവണയല്ലേ… എല്ലാവരും വാ…”

ഭാമ അവരെയെല്ലാവരെയും അകത്തേക്ക് ക്ഷണിച്ചു.

 

” ഒരു മിനിറ്റ്, എടീ മിത്രേ വണ്ടിയുടെ കീ എന്തിയേ ??? നിനക്ക് പെട്ടിയും കുടുക്കയുമൊന്നും എടുക്കണ്ടേ…” ജിത്തു കാറിന്റെ കീ അന്വേഷിച്ചു.

 

” ഓ എനിക്കെങ്ങും വയ്യ… അതൊക്കെ ഏട്ടൻ ഇങ്ങോട്ട് കൊണ്ടു വന്നാൽ മതി.. ”

അവൾ കുസൃതിയോടെ അവനു കീ, ജാക്കറ്റിന്റെ പോക്കറ്റിൽ നിന്നെടുത്ത് എറിഞ്ഞു കൊടുത്തു.

 

‘ഹ്മ്മ്… നിനക്ക് ഞാൻ വെച്ചിട്ടുണ്ടടി…’ ജിത്തു ആത്മഗതം പറഞ്ഞു കൊണ്ട് , മിത്ര എറിഞ്ഞു കൊടുത്ത കീ പിടിച്ചെടുത്തിട്ട് കാറിന്റെ ഡിക്കി തുറക്കാനായി തിരിഞ്ഞു.

 

” ഡേയ് മനുഷ്യാ നോക്കി നിൽക്കാതെ, അവനെ ഡിക്കിയിൽ നിന്നു പെട്ടികളൊക്കെ എടുക്കാൻ സഹായിക്ക്. ” ഭാമ തന്റെ ഭർത്താവിനെ ഉപദേശിച്ചു.

എന്നിട്ട് മിത്രയോടൊപ്പം ഭാമയും വീട്ടിനകത്തേക്ക് കേറിപോയി.

 

” അയ്യോ മിത്ര ചേച്ചി, നില്ല് നില്ല്… ഞാനും വരുന്നു…” അവരുടെ പിന്നാലെ സിദ്ധുവും പോയി.

 

” ഹ്മ്മ് അവനും പോയി…” ജിത്തു ഒരു ദീർഘനിശ്വാസമുതിർത്തു.

പോട്ടെടാ മോനെ.. നമ്മൾക്കാദ്യം ഈ പെട്ടികളെല്ലാം എടുത്ത് വീടിനകത്തേക്ക് വെയ്ക്കാം. ” റാം, അവന്റെ തോളത്ത് തട്ടിക്കൊണ്ടു പറഞ്ഞു.

 

“ശെരി പപ്പാ…” അവൻ റാമിന്റെ മുഖത്തേക്ക് നോക്കി പുഞ്ചിരിച്ചു.

 

***************************************************

 

അമ്മയുടെ ശകാരവും കേട്ട് തന്റെ മുറിയിലേക്ക് ഓടിച്ചെന്ന സിതാര, തന്റെ റിങ്ചെയ്യുന്ന ഫോണെടുത്തു നോക്കി…

‘ഹാവൂ.. ശ്യാമാണല്ലോ…’ അവൾ ഫോണെടുത്തു.

 

“ഹലോ.. എടാ ശ്യാം.. എന്തായി.. അന്വേഷിച്ചോ നീ…??? ”

 

“എടീ, നീയെന്താ ഫോണെടുക്കാൻ താമസിച്ചത് ???…”

 

” അതൊക്കെ ഞാൻ പിന്നെ പറയാം…ആദ്യം കാര്യമെന്തായിയെന്ന് പറ.. “