✨️❤️ശാലിനിസിദ്ധാർത്ഥം 5❤️✨️ [??????? ????????] 229

 

“അതാരുടെ ഫോണാ ബെല്ലടിക്കുന്നത്… സിദ്ധു നിന്റെയാണോടാ ??? ” അച്ഛൻ അവനോട് ചോദിച്ചു.

 

“ഏയ്‌ അല്ലച്ഛാ… ചേച്ചിയുടെയാണ്…” അവൻ സിതാരയുടെ മുഖത്തേക്ക് നോക്കികൊണ്ട് മറുപടി നൽകി.

 

“ഹോ… നിന്നോട് എത്ര തവണ പറഞ്ഞിട്ടുണ്ടടി ഫോൺ മുകളിൽ വെച്ചിട്ട് താഴേക്ക് വരരുതെന്നു…! ഇനി നീ മുകളിലേക്ക് കേറി ചെല്ലുബോഴേക്കും ആ ഫോൺ കാൾ കട്ടായിട്ടുണ്ടാവില്ലേ….”

ഭാമ, സിതാരയോട് ദേഷ്യപ്പെട്ടു.

 

അയ്യോ സോറി അമ്മേ, ഞാനത്

പെട്ടന്നോർത്തില്ല… ഇനി ഞാനത് വീണ്ടും സംഭവിക്കാതെ നോക്കിക്കോളാം.

താര അമ്മയോട് ക്ഷമ ചോദിച്ചിട്ട്, ഫോണെടുക്കാനായി ഒരു വിഷമ ഭാവത്തോടെ അകത്തേക്ക് കയറി പോയി.

 

അവളുടെയാപോക്ക് മിത്രയ്ക്കും ജിത്തുവിനും വിഷമമുണ്ടാക്കി. അത് കണ്ടിട്ട് ഭാമ,

” നിങ്ങളതൊന്നും കാര്യമാക്കണ്ട.. താര എപ്പോഴും ഇങ്ങനെയാ; ഫോൺ മുകളിൽ വെച്ചിട്ട് താഴെ വരും. അതാ അവളുടെ സ്വഭാവം… എത്ര പറഞ്ഞാലും കേൾക്കില്ലെന്നേ ”

അത് കേട്ട് അഗ്നിജിത്തും അഗ്നിമിത്രയും പരസ്പരം നോക്കി പുഞ്ചിരിച്ചു.

 

“അതൊക്കെ പോട്ടെ… നിങ്ങൾ എപ്പോഴാ ഇവിടെ എത്തിയത്… യാത്രയൊക്കെ സുഖമായിരുന്നോ…???

 

“ഞങ്ങൾ രാവിലെ എട്ടുമണിക്ക് കൊച്ചിയിലെത്തി മമ്മി…” ജിത്തു മറുപടി നൽകി.

 

” ആണോ.. അല്ല മോനെന്താ ലാസ്റ്റ് എന്നെ വിളിച്ചത്.…” ഭാമയുടെ മുഖത്ത് കൃത്രിമഗൗരവം നിറഞ്ഞു.

 

“മമ്മി എന്ന്…? ” ജിത്തു സംശയത്തോടെ നിന്നു.

 

“ങേഹ്… ഇനി അങ്ങനെയെന്നെ വിളിക്കുമോടാ…! ” ജിത്തുവിന്റെ മറുപടി കേട്ടതും സത്യഭാമ, അവന്റെ ചെവിക്കുപിടിച്ചു.

 

യ്യോ.. എന്റെ ചെവി ! ഇല്ല ഭാനുവമ്മേ ഞാൻ ഞാനിനി അങ്ങനെ വിളിക്കൂലാ… അമ്മയാണേ സത്യം.”

നന്നായി ചെവി വേദനിച്ച ജിത്തു ആണയിട്ട് പറഞ്ഞു.

 

സത്യഭാമ അവന്റെ ചെവിയിലെ പിടിവിട്ടു. “മിടുക്കൻ.. എന്റെ മോന് നൊന്തോടാ.. സാരമില്ല കേട്ടോ…

‘മമ്മി’ എന്ന് മോനെന്നെ വിളിച്ചാൽ എനിക്ക് ഓർമ വരുന്നത്, പിരമിഡിൽ അടക്കിയ ശവങ്ങളെയാണ്… അതോണ്ടാ അങ്ങനെ വിളിക്കരുതെന്നു പറഞ്ഞത്.

ഭാമ, അവന്റെ ചെവിയിൽ തലോടി.

 

ഇല്ല ഭാനുവമ്മേ, ഞാൻ ഇനി അങ്ങനെ വിളിക്കില്ല. ജിത്തു, ആശ്വാസതോടെ പറഞ്ഞു.

 

അത് കേട്ടതും ഭാമ, സ്നേഹപൂർവ്വം അവന്റെ നെറ്റിയിൽ ഒരു മുത്തം കൊടുത്തു.