✨️❤️ശാലിനിസിദ്ധാർത്ഥം 5❤️✨️ [??????? ????????] 229

 

 

” അതെന്തിനാ പപ്പാ…??? ” ജിത്തു, സംശയത്തോടെ ഭാമയെ നോക്കികൊണ്ട് ചോദിച്ചു.

 

“അത്…”

 

“ഡേയ് എന്താ അവിടെ രണ്ടുപേരും തമ്മിൽ ഒരു സംസാരം ??? ; നിങ്ങൾ രണ്ടുപേരും ഇങ്ങോട്ട് വന്നേ ഞാനൊരു കാര്യം ചോദിക്കട്ടെ…” ഭാമ, റാമിനെന്തെങ്കിലും സംസാരിക്കാൻ പറ്റുന്നതിനുമുൻപേ ഇടയ്ക്കുകേറി.. എന്നിട്ട് മിത്രയെയും, ജിത്തുവിനെയും തന്റെയടുത്തേക്ക് വിളിച്ചു.

 

“എന്താ മമ്മി… ” മിത്ര, ജിത്തുവിനോടൊപ്പം സിറ്റൗട്ടിലേക്ക് കേറിചെന്നു.

 

” ങ്ങാ എന്റെ മോളിങ്ങ് വാ ഞാൻ ഒരു കാര്യം ചോദിക്കട്ടെ… നീയും ജിത്തുവും എന്തെകിലും തർക്കത്തിനോ വഴക്കിനോ വല്ലതിനും പോയായിരുന്നോ… സത്യം മാത്രമേ ബോധിപ്പിക്കാവു.

 

” അയ്യോ ഇല്ല മമ്മി… സത്യമായിട്ടും ഇല്ല ഞങ്ങൾ വരുന്ന വഴിയ്ക്ക് ഏതോ പിള്ളേര് തമ്മിൽ അടി കൂടിയപ്പോൾ അവരെ പിടിച്ചുമാറ്റാൻ പോയായിരുന്നു അത്രയുള്ളു…” മിത്ര, വളരെ വിദഗ്ധമായി അവിടെ നടന്ന സംഭവങ്ങൾ മറച്ചുപിടിക്കാൻ ശ്രമിച്ചു.

 

” ഹ്മ്മ്.. നീ കള്ളം പറയാൻ എപ്പോഴാ പഠിച്ചത്…??? പറ മിത്രമോളേ ; ഈ കേട്ടത് കേട്ടത് സത്യമാണോടാ ജിത്തൂ ??? ”

 

“ആഹ് അതേ മമ്മി… മിത്ര പറഞ്ഞത് സത്യമാണ് ” ജിത്തു വിക്കി കൊണ്ട് പറഞ്ഞു.

 

“ആണോ…! എന്നാൽ അങ്ങനെയല്ലല്ലോ കാര്യങ്ങൾ നടന്നിട്ടുള്ളത്…” ഭാമ, കോടതികളിൽ കുറ്റവാളികളെ വിചാരണ ചെയ്യുന്ന വകീലന്മാരെ പോലെ അവരെ വീണ്ടും cross question ചെയ്യാൻ തുടങ്ങി.

 

“ശേ ഈ അമ്മയെന്താ ഈ കാണിക്കുന്നത്… ജിത്തുവേട്ടനും, മിത്രേടത്തിയും ഇപ്പോൾ ഇങ്ങോട്ട് വന്നതല്ലേയുള്ളൂ… അപ്പോഴേക്കും അവരെ വിചാരണ ചെയ്യാനും തുടങ്ങിയോ..” സിദ്ധാർഥ് അത് കണ്ട് പ്രതികരിച്ചു.

 

“ഹ്മ്മ് ശെരിയാ.. എടീ ഭാമേ അവരെ വെറുതെ വിട്ടൂടെ നിനക്ക്… കുട്ടികൾ മുംബൈയിൽ നിന്ന് രാവിലെത്തെ ഫ്ലൈറ്റിൽ എത്തിയതേയുള്ളു നാട്ടിൽ;

 

എന്നിട്ട് നേരെയിങ്ങു പോരുകയാ ചെയ്തത്. അവര് വരുന്ന വഴിക്ക് എന്തെങ്കിലും പ്രശ്നത്തിൽ ഇടപ്പെട്ടുകാണും അതാ… നീയിങ്ങനെ വെറുതെ പ്രേശ്നമുണ്ടക്കല്ലേ ഭാമേ… പ്ലീസ്.”

അതോടെ റാമും സിദ്ധാർഥിന്റെ പക്ഷം ചേർന്നു.

 

“ഹ്മ്മ് ശെരി ശെരി.. ദേ മനുഷ്യാ നിങ്ങള് പറഞ്ഞത് കൊണ്ട് പിള്ളേരെ വെറുതെ വിടുന്നു.… അല്ലേരുന്നെങ്കിൽ ഞാൻ ദാ, ഈ ചട്ടുകം കണ്ടോ അത് വെച്ച് ഞാൻ രണ്ടിനെയും ശെരിയാക്കിയേനെ ങ്ഹാ…”

ഭാമ തണുത്തു വന്നു…

 

അപ്പോഴാണ് വീടിന്റെ മുകൾനിലയിൽ നിന്ന് ഒരു ഫോൺ ബെല്ലടിക്കുന്ന ശബ്ദം എല്ലാവരും കേട്ടത്….