അതിരൻ 2

By VIRUS/RAKSHASARAMAN

️previous part

 

 

പാർക്കിന്റെ ഒഴിഞ്ഞ കോണിൽ ഒരു പെൺകുട്ടി ഇരിക്കുന്നത് കണ്ടു മുഖം വ്യക്തമല്ല അവൾ എനിക്ക് എതിർവശമായിയാണ് ഇരിക്കുന്നത്.

 

കണ്ടിട്ട് നല്ല പരിചയം ഞാൻ അങ്ങോട്ട് നടക്കാൻ തുടങ്ങി……

 

എവിടുന്നോ വന്ന ഒരു ഒരുത്തൻ അവളെ ശല്ല്യം ചെയ്യാൻ തുടങ്ങി…..

 

ഞാൻ എന്റെ നടത്തതിന്റെ വേഗത കൂട്ടി. അവൻ അവളുടെ കൈയിൽ കയറി പിടിച്ചു. അവൾ അവന്റെ കൈ തട്ടി മാറ്റാൻ നോക്കുന്നുണ്ട് എന്നാൽ അവൻ കൈയിൽ കുറച്ചുകൂടി മുറുകെ പിടിച്ചു.

 

അവൾ സഹായത്തിനായി വിളിച്ചു കൂവുന്നുണ്ട്…… ഇനിയും വൈകിയ ശെരി ആവില്ല പിന്നെ ഒന്നും നോക്കിയില്ല ഓടി ചെന്ന് അവന്റെ നെഞ്ച് നോക്കിയൊരു ചവിട്ട് അങ്ങ് കൊടുത്ത്. അവൻ മലക്കം മറിഞ്ഞു ഒരു പത്തടി ദൂരേക്ക് തെറിച്ചുവീണു.

 

അവൾക്ക് വല്ലോം പറ്റിയോ എന്ന് ചോദിക്കാൻ ഞാൻ തിരിഞ്ഞു പക്ഷെ എനിക്ക് അത് മുഴുവിക്കാൻ പറ്റിയില്ല അവളുടെ മുഖം കണ്ടപ്പോ തന്നെ എന്റെ പകുതി ബോധം പോയി…… എന്റെ മാലാഖ…….. എന്തോ അവളുടെ കണ്ണുകളിൽ ആ സമയം വല്ലാത്ത ഒരു തിളക്കം എനിക്ക് കാണുവാൻ സാധിച്ചു.

 

തുടരുന്നു…

 

പെട്ടന്ന് ന്റെ പുറത്ത് ശക്തമായ ഒരു ചവിട്ടേറ്റ് ഞാൻ മറിഞ്ഞു വീണു …..

 

വേഗം  ഞാൻ ചാടി എഴുനേറ്റു……അപ്പോഴേക്കും അവൻ വീണ്ടും അവളെ ഉപദ്രവിക്കാൻ നോക്കുന്നത് കണ്ടപ്പോ എനിക്ക് അടി മുതൽ മുടി വരെ വിറഞ്ഞു കയറി.

 

ഞാൻ അവന്റെ കൈയിൽ  പിടിച്ച് അവളിൽ നിന്നും അവന്റെ കൈ അടർത്തി മാറ്റി….അവനെ ദൂരേക്ക് വലിച്ചേറിഞ്ഞു….

 

എന്നാൽ ഒരു തികഞ്ഞ അഭ്യസിയെ പോലെയവൻ ചാടി എഴുന്നേറ്റുകൊണ്ട് എനിക്ക് നേരെ പാഞ്ഞടുത്തു…

 

ഒരു നിമിഷം പോലും പഴക്കാതെ ഞാൻ വലതു കാൽ മുന്നോട്ട് വെച്ച് ഇടത് കാൽ പിന്നിലേക്ക് വെച്ച് കാൽപ്പത്തി 45 ഡിഗ്രി ചരിച്ചു വെച്ചു കൈകൾ ഉയർത്തി ഫൈറ്റ്റിംഗ് സ്റ്റാൻസിൽ നിന്നു….

 

ഓടി വന്ന അവൻ എന്റെ  മുഖത്തിനു നേരെ തൊടുത്തു വിട്ട അസ്ത്രം കണക്കെ വലത് കൈ വീശി….

ആ കൈ ഞാൻ ഇടത് കൈ കൊണ്ട് തടുത്തു… അതെ സമയം എന്റെ വലതു കൈയവന്റെ മുഖത്ത് പ്രഹരമേൽപ്പിച്ചു…

 

പഞ്ച് കൊണ്ട് അവൻ പുറകിലേക്ക് വെച്ചു പോയി…ആ നിമിഷം ന്റെ വേഗതയും പഞ്ചിങ് പവറും കണ്ട് അവന്റെ മുഖത്ത് ഒരു ഒരു പകപ്പ് ഉണ്ടായി….

 

അതെ സമയം ന്റെ മുഖത്ത് ഒരു പുഞ്ചിരി വിരിഞ്ഞു… വർഷങ്ങൾക്കുശേഷം എന്നിൽ വന്യത നിറയുന്നത് ഞാൻ അറിഞ്ഞു… സിരകളിലെ രകതയോട്ടം വർധിച്ചു….

 

എന്നാൽ ഞൊടിയിടയിൽ അവൻ… എന്നെ ചവിട്ടാനാഞ്ഞു.. അവന്റെ ചവിട്ടിൽ നിന്നും ഞാൻ വലതു വശത്തേക്ക് ഒഴിഞ്ഞു മാറി….