⚔️രുദ്രതാണ്ഡവം 6⚔️ [HERCULES] 1334

തീർത്തും നിരീശ്വരവാദി ആയിരുന്ന അയാൾ തന്റെ മകൾക്കുവേണ്ടി സകലദൈവങ്ങളെയും ആ നിമിഷം വിളിച്ചുപോയി.

പിന്നെ സംസാരിച്ചതൊക്കെ ശോഭയുടെ അച്ഛൻ നാരായണനയിരുന്നു.

” രാജീവേ… ഞങ്ങളിപ്പോ ആശുപത്രീലാ… നീ പേടിക്കുവൊന്നും വേണ്ട… മോളൊന്ന് വീണു… തല  എവിടെയോ തട്ടി ചെറുതായിട്ടൊന്ന് മുറിഞ്ഞിട്ടുണ്ട്. നീവെറുതെ ടെൻഷൻ ആവണ്ട… ഡോക്ടറെ കണ്ട്കഴിഞ്ഞ് ഞാൻ വിളിച്ചോളാ നിന്നെ… “

” മ്മ്… ശെരിയച്ഛാ … “

അയാൾ ഫോൺ കട്ട്‌ ചെയ്തു. രാജീവിന്റെ മനസിലെ കനൽ അപ്പോഴും അണഞ്ഞിട്ടില്ലായിരുന്നു. ഒരുപക്ഷെ തന്നെ ആശ്വസിപ്പിക്കാനാണോ അച്ഛൻ അങ്ങനെ പറഞ്ഞെ എന്നൊരു സംശയം അയാളിൽ ഉടലെടുത്തു.

മനസ് ആകെ ആസ്വസ്ഥമായിരുന്നു. കുറച്ച് മുന്നേ കണ്ട സ്വപ്നം വീണ്ടും വീണ്ടും അയാളുടെ മനസിലേക്ക് വന്നുകൊണ്ടിരുന്നു. അതിന്റെ പൊരുൾ എന്താണെന്ന് അയാൾക്ക് എത്ര ആലോചിച്ചിട്ടും മനസിലായില്ല.

*************************

അടുക്കളയിൽ പാത്രങ്ങൾ കഴുകുന്ന തിരക്കിലായിരുന്നു ദേവകി. അവർ വളരെ സന്തോഷത്തിലായിരുന്നു.

അഭിയുടെ കൂട്ടുകാർ വന്ന് കളിയും ചിരിയുമൊക്കെ ആയിട്ടുള്ള രസകരമായ ഓർമകളിൽ ആയിരുന്നു അവർ ജോലികൾ ചെയ്തിരുന്നത്.

ഗൗരിക്ക് അഭിയോടുള്ള ഇഷ്ടം ആരും പറയാതെ തന്നെ ആ അമ്മയ്ക്ക് മനസിലാക്കാൻ പറ്റിയിരുന്നു. എന്നാൽ അഭിക്ക് അതെപ്പറ്റി അറിവൊന്നുമില്ല എന്നും അവർക്ക് മനസിലായിരുന്നു.

അഭി മടങ്ങിവന്നാൽ അവനോട് അതെപ്പറ്റി ചോദിക്കാന്തന്നെ ദേവമ്മ ഉറപ്പിച്ചു