DK, എന്നത്തേയും പോലെ തന്നെ കഥാഭാഗം ഇഷ്ടമായി. അരുണിനാൽ അച്ചു മാനഭംഗ പ്പെടാതെ രുദ്രൻ തിരികെ ചെല്ലുമെന്നും രക്ഷപെടുത്തുമെന്നും എനിക്ക് വിശ്വാസമുണ്ടായിരുന്നു. അതേ പോലെ ഈ കഥയിൽ ഒന്നിലധികം നായക സങ്കല്പം ഉണ്ടെന്ന് ഒക്കെ പറഞ്ഞിരുന്നു ശരിയാണ് പക്ഷേ ആളുകൾ അതൊന്നും ശ്രദ്ധിക്കാതെ കഥാകൃത്തിനെ മാനസിക സംഘർഷത്തിൽ ഏർപ്പെടുത്തുന്നത് സ്ഥിരം ഏർപ്പാട് ആണ്. അതിന് ഒരു പരിധിവരെ നിങ്ങൾ ഒക്കെ തന്നെയാണ് കാരണക്കാർ . ഈ മുറവിളി കൂട്ടുന്നവർക്ക് വേണ്ടി കഥയിൽ മാറ്റം വരുത്തി അമിതമായ നാടകീയത കൊണ്ടുവരുന്ന രീതി ഇവിടെ സർവ്വസാഭാരണമാണ്. അതൊഴിവാക്കി സ്വന്തം ഇച്ഛക്കനുസൃതമായി എഴുതുക.

കഥയിലേക്ക് വരാം , നന്ദുവിന്റെ ഫൈറ്റ് ഉഗ്രനായിരുന്നു രുദ്രന്റെ പരകായപ്രവേശന മായിരുന്നെങ്കിലും . രേഖാചിത്രം വരച്ച സീൻ ദുൽഖർ ആയത് നർമം ഉളവാക്കി. നിരന്തര പരിശീലനത്താൽ ഇന്ദ്രൻ തന്റെ പഴയ നില വീണ്ടെടുത്തു. സിലമ്പാട്ടവും ദ്വന്ദ്വയുദ്ധവും ഒക്കെ കൺമുന്നിൽ കണ്ട പ്രതീതി ഉണ്ടർത്തി. അതേപോലെ മുത്തശ്ശൻ ഇന്ദ്രനെ ആയുധപുരാക്ഷേത്രത്തിലേക്ക് വിളിക്കുന്നതും അവരുടെ രാജ പരമ്പരയുടെ അമൂല്യ സമ്പത്ത് ആയ വാൾ കൊടുക്കുന്നതും അതിനേ പറ്റി വിവരിക്കുന്നതും അതിൽ നിന്ന് അവൻ ഊർജ്‌ജം സ്വീകരിക്കുന്നതും ഭയാനക അന്തരീക്ഷമുള്ള വനത്തിലകപ്പെടുന്നതും ചെന്നായമനുഷ്യരുമായി എതിരിട്ടതും ഒക്കെ ഭീതിയോടെ കണ്ടതുപോലെ ഉള്ള വായനാ അനുഭവം ഉണ്ടാക്കി. ഒരു പാട് നായകർ ഉള്ളത് കാരണം വായനക്കാരുടെ ഊഹങ്ങൾ മാറ്റിമറിക്കപ്പെടുന്നത് സ്വോഭാവികം മാത്രം. തുടക്കത്തിൽ നായകസ്ഥാനത്ത് ഇന്ദ്രൻ ആയതിനാൽ ദേവാസുരൻ അവൻ ആണെന്നും പിന്നീട് റെയ്ഹാന്റെ വരവോടെ അവനാണോ എന്നും രുദ്രന്റെ കടന്നു വരുവും താണ്ഡവം ആടലും ഒക്കെ കണ്ടപ്പോൾ ദുദ്ര നായിരിക്കും എന്നും സാമാന്യ രീതിയിൽ ചിന്തിച്ചു പോകും പക്ഷേ ഈ ഭാഗത്തോടെ വീണ്ടും അത് ഇന്ദ്രനിൽ കേന്ദ്രീകരിച്ചും എത്തിയിരിക്കുന്നു. ഇനിയുമത് മാറാം അതൊക്കെ മേൻമകുറയാതെ താങ്കളുടെ യുക്തിക്ക് അനുസരിച്ച് എഴുതുക. 88-ആം പേജിൽ റെയ്ഹാനും റിവാനയുമായുള്ള സംഭാഷണ സമയത്ത് റെയ്ഹാന് പകരം രുദ്രൻ എന്നായി മാറിയിട്ടുണ്ട്. ഞാൻ ഈയിടെ ആണ് കഥകൾ വായിക്കുവാനും അഭിപ്രായം കുറിക്കുകയും ചെയ്യുവാൻ തുടങ്ങിയത് തന്നെ പക്ഷേ പലർക്കും ന്യൂനത ചൂണ്ടിക്കാണിക്കുന്നത് ഇഷ്ടമല്ല അതിലും കഷ്ടം ചില ഊള ഫാൻസുകാരുടെ ഇടപെടലുകളും . അങ്ങനെയുള്ളവരാണ് ഈ സൈറ്റിന്റെ ശാപം അതൊക്കെയാണ് പലരും അഭിപ്രായങ്ങൾ കുറിക്കാത്തത് എന്ന് തോന്നുന്നു. ഈ മാന്യൻമാരൊന്നും കാര്യമായി ഒരു കഥയിലും ഒന്നും എഴുതിക്കാണാറുമില്ല. അതെന്തിങ്കിലുമാകട്ടെ എനിക്കീ ഭാഗം വളരെ അധികം ഇഷ്ടമായി സസ്നേഹം കൈലാസനാഥൻ