☠️കാളിയാനം കൊട്ടാരം☠️ [ചാണക്യൻ] 164

ജോലി ചെയ്ത് പെണ്ണ് ആകെ tired ആണെന്ന് ആ മുഖം പൂഴ്ത്തി വെയ്ക്കലിലൂടെ അവന് മനസിലാകുമായിരുന്നു.

അധികം അവളെ ബുദ്ധിമുട്ടിക്കാതെ അലക്സ്‌ ബുള്ളറ്റ് മുന്നോട്ട് എടുത്തു.

അവസാനം അത്‌ എത്തി ചേർന്നത് ഒരു പാർക്കിൽ ആയിരുന്നു.

വീക്കെൻഡിൽ വല്ലപ്പോഴും പാർക്കിൽ വരുന്നതല്ലാതെ ഇന്ന് പതിവിന് വിപരീതമായി വന്നതിന് ആള് തന്നെ തുറിച്ചു നോക്കുന്നുണ്ട്.

“ഇറങ്ങടീ ”

അലക്സ്‌ പറഞ്ഞതും ജെന്നിഫർ ബുള്ളറ്റിന്റെ പുറകിൽ നിന്നും ചാടിയിറങ്ങി.

“ഇതെന്താ ഇച്ഛ ഇന്നിവിടെ വന്നത്”

“ഒന്നുമില്ല ജെനിക്കുട്ടി നിന്നോട് എനിക്ക് സംസാരിക്കണം”

അലക്സ്‌ ബുള്ളറ്റ് പാർക്ക്‌ ചെയ്തു കൊണ്ട് പറഞ്ഞു.

“അതിനെതിനാ മനുഷ്യാ ഇങ്ങോട്ട് വന്നേ….. ഫ്ലാറ്റിലേക്ക് പോയാൽ പോരായിരുന്നോ?”

അവൾ ഇടുപ്പിൽ കൈ കുത്തി തന്നിലേക്ക് ഉണ്ടക്കണ്ണുരുട്ടി.

മുഖം ചുളിച്ചു പിടിച്ചുകൊണ്ടു.

“എനിക്ക് ഇതുപോലെ ഒരു സ്ഥലത്തിരുന്ന് മനസ് തുറന്നു പറയണം പെണ്ണെ….. അതിനാ ഇങ്ങോട്ട് വന്നത്”

അലക്സ്‌ അവളുടെ കയ്യും പിടിച്ചു മുന്നോട്ട് നടക്കുമ്പോൾ പറഞ്ഞു.

“ഉവ്വ ഉവ്വേ”

ജെനി തലയാട്ടിക്കൊണ്ട് നടന്നു.

അവിടെ പുൽത്തകിടിയിൽ ഒരു മരച്ചോട്ടിൽ ജെനിയുടെ മടിയിൽ തല വച്ചു കിടക്കുകയായിരുന്നു അലക്സ്.

ഇളം വെയിൽ മരച്ചില്ലകളിലൂടെ അരിച്ചിറങ്ങി മുഖത്തു വന്നു പതിക്കുന്നുണ്ട്.

അതോടൊപ്പം തന്റെ പ്രാണസഖിയുടെ ശിരസ്സിലെ കരലാളനങ്ങൾ അലക്സിനെ പതിയെ ഉറക്കത്തിലേക്ക് നയിച്ചു.

എപ്പോഴും ജെനിയുടെ കൂടെയിരിക്കുമ്പോ അവന്റെ മൈൻഡ് ഫ്രീയാകും.

അലക്സിനെപ്പോലെ തന്നെ കിളിക്കൂട്ടിലെ അമ്മമാർക്ക് കിട്ടിയ ചോര കുഞ്ഞായിരുന്നു ജെനിയും.