ഹൃദയരാഗം 4 [Achu Siva] 542

രാത്രി ആഹാരം കഴിക്കാൻ ഇരുന്നപ്പോഴും പരസ്പരം നോക്കാനോ സംസാരിക്കാനോ അവർക്കു വല്ലാത്ത ഒരു  ബുദ്ധിമുട്ട് തോന്നി …

ഒടുവിൽ വിനയ് തന്നെ മൗനത്തെ ഭേദിക്കാൻ തീരുമാനിച്ചു …

നീ എന്താ ചിത്രരചന പഠിക്കുവാണോ ?ഒന്നും കഴിക്കുന്നില്ലേ ?

അത് …എന്തോ എനിക്ക് വിശപ്പ് തോന്നണില്ല.അതും പറഞ്ഞു അവൾ എഴുനേറ്റു പോയി …

======== ======= ======= ===== === =

വാസുകി റൂമിൽ ഓരോന്ന് ആലോചിച്ചു കൊണ്ടു അങ്ങോട്ടും ഇങ്ങോട്ടും നടക്കുകയായിരുന്നു …അപ്പോഴാണ്  വിനയ് അവിടേക്കു കയറി വന്നത് …

പഴയ ഉടക്ക് സ്വഭാവം തന്നെ പുറത്തെടുക്കാം …അല്ലെങ്കിൽ ശെരി ആവില്ല …അവൾ മനസ്സിൽ ചിന്തിച്ചു …

ദേ മനുഷ്യ ,നിങ്ങള് എന്റെ കൈയിൽ നിന്നും തട്ടി പറിച്ചു കൊണ്ടു പോയത് എന്താണെന്നു ഞാൻ കണ്ടു പിടിച്ചു …

വിനയ് ഞെട്ടി അവളെ നോക്കി …..ഏ…..എന്ത് ?

നിങ്ങളെ പണ്ട് തേച്ചു ഒട്ടിച്ചിട്ടു പോയ കാമുകിടെ ഫോട്ടോ അല്ലേ മനുഷ്യ അതിൽ …അത് കൊണ്ടല്ലേ നിങ്ങള് ഇത്രയും നാളും  കല്യാണം കഴിക്കാതെ നടന്നത് …

പിന്നെ ഒഞ്ഞു പൊടി …ഈ ഹൈ ടെക് യുഗത്തിൽ കൈയിൽ ഫോട്ടോയും കൊണ്ടു നടക്കുവല്ലേ …..എന്ത് മനോഹരമായ വൃത്തികെട്ട കണ്ടുപിടുത്തം …എന്റെ കാമുകിയുടെ ഫോട്ടോ ഒക്കെ എന്റെ മൊബൈലിൽ ഭദ്രമായിട്ട്  ഉണ്ട് …

എ ….അപ്പൊ കാമുകി ഉണ്ട് അല്ലേ …..ങീ ..അപ്പൊ ഒരു secondhand മുതലിനെ ആണല്ലേ എന്റെ തലയിൽ കെട്ടി വെച്ച് തന്നത് …അവള് മോങ്ങാൻ തുടങ്ങി

അതിനു നീ എപ്പഴാ ഈ റിലേഷൻ accept ചെയ്തത് …ഡിവോഴ്സ് വാങ്ങി പോകാൻ നിക്കുന്നവൾക്കു എനിക്ക് കാമുകി ഉണ്ടെങ്കിലെന്ത് ഇല്ലേങ്കില്ലെന്ത്‌ ……

പിന്നെ അവളൊന്നും മിണ്ടാൻ പോയില്ല …ലൈറ്റ് ഓഫാക്കി കിടക്കാൻ പോയി …

അല്ല നീ എന്താ ഈ ചെയ്യാൻ പോണേ …

ഞാൻ ഒന്ന് കുമ്പസരിക്കാൻ ….ഇങ്ങേർക്കിത് എന്ത് …?ഉറങ്ങാൻ പോണു …ഒരു ചോദ്യം ??