ഹൃദയരാഗം 13

Author : അച്ചു ശിവ

 
എന്താണ് നടക്കുന്നതെന്നു പോലും മനസ്സിലാവാതെ കരഞ്ഞു കൊണ്ടു നിക്കുന്ന വാസുകിയുടെ കവിളിൽ നവീൻ ആഞ്ഞടിച്ചു …അടിയുടെ ശക്തിയിൽ അവൾ  താഴേക്ക് വീണു പോയി ….

അടിയുടെ വേദനയിൽ അവൾ പുളഞ്ഞു പോയി …അവൾ തന്റെ ഇടതു കൈ എടുത്ത് അടി കിട്ടിയ കവിളിൽ പൊത്തി പിടിച്ചു ..അവളുടെ കരച്ചിലിന്റെ ശക്തി കൂടി കൂടി വന്നു …നവീൻ അവളുടെ മുന്നിലേക്ക് നടന്നു ചെന്നു …അവന്റെ ഓരോ ചുവടുകൾക്ക് അനുസരിച്ചു അവൾ പേടിച്ചു പുറകിലേക്ക് നിരങ്ങി നിരങ്ങി നീങ്ങി ..

അവൻ അവൾക്കരികിൽ വന്നു ഒരു മുട്ടിൽ കുത്തി ഇരുന്നു …ഏട്ടന്റെ വാസുകി എന്തിനാ ഇങ്ങനെ കരയുന്നെ ….ഏട്ടനിവർക്ക്‌ എങ്ങനെ മികച്ച രീതിയിൽ തല്ലാം എന്നതിന്റെ ഒരു ഡെമോ കാട്ടി കൊടുത്തതല്ലേ …അയ്യോ ദേ ചോര ….നവീൻ അവന്റെ ചൂണ്ടു വിരൽ ഉപയോഗിച്ചു അവളുടെ ചുണ്ടിൽ നിന്നും താഴേക്ക് ഒഴുകിയ രക്തം തുടച്ചെടുത്തു …എന്നിട്ട് അത് തള്ളവിരൽ ഉപയോഗിച്ചു അവളുടെ മുഖത്തേക്ക് തന്നെ തെറിപ്പിച്ചു വിട്ടു …

അവന്റെ ഇങ്ങനെ ഒരു മുഖം അവളിൽ എന്തെന്നില്ലാത്ത ആഘാതം സൃഷ്ടിച്ചു …തനിക് ചുറ്റും എന്താണ് നടക്കുന്നതെന്ന് പോലും ചിന്തിക്കാൻ കഴിയാതെ ഒരു ശില കണക്കെ വേദനയും കടിച്ചു പിടിച്ചു അവൾ ഇരുന്നു …

അവൻ അവളെ അവിടെ നിന്നും പിടിച്ചു എഴുന്നേൽപ്പിച്ചു ….എന്നിട്ട് അവളുടെ തോളിൽ കൂടി കൈ ഇട്ടു അവളെ തന്നിലേക്കു ചേർത്ത് നിർത്താൻ നോക്കി …അവൾ അത് ഇഷ്ടപെടാത്ത പോലെ അവനെ അവളിൽ നിന്നും തള്ളി മാറ്റി …അവൻ സൈഡിലേക്ക് ചെറുതായി വീഴാൻ പോയി …

ടാ കിരണേ ,കൊച്ചിനു ഞാൻ തൊട്ടത് അത്ര ഇഷ്ടപെട്ടിട്ടില്ല …..

അതൊക്കെ നമുക്ക് ഇഷ്ടപെടുത്താം അളിയാ ….സമയം ഇഷ്ടം പോലെ ഉണ്ടല്ലോ …കിരൺ അവളെ അടിമുടി കണ്ണ് കൊണ്ടു ഉഴിഞ്ഞു കൊണ്ടു പറഞ്ഞു …

നവീൻ ,എന്നെ …എന്നെ എന്തിനാണിങ്ങനെ ഉപദ്രവിക്കണെ  …നീ ഇത്രക്കും ദുഷ്ടനാണെന്നു തിരിച്ചറിയാൻ വൈകിയത് എന്റെ തെറ്റ് …നിനക്ക് എങ്ങനെ കഴിയുന്നു ഇതിനൊക്കെ …എനിക്ക് പോണം …എനിക്കിവിടുന്നു പോണം …എന്തിനാ എന്നെ ഇവിടേയ്ക്ക് കൊണ്ടു വന്നിരിക്കണെ …എന്താണ് നിന്റെ ഉദ്ദേശം …തളർന്ന സ്വരത്തിൽ വാസുകി അവനോടു ചോദിച്ചു …