ഹരിയുടെ പ്രണയം [Tom David] 124

“പിന്നാണെങ്കിൽ അമ്മ അപ്പുറത്ത് എങ്ങാണ്ട് പോയേക്കുവാ… നിങ്ങൾ ഇത്രയും ദൂരത്തു നിന്ന് വന്നിട്ട് ഒരു ഗ്ലാസ് വെള്ളം എടുത്തു തരാൻ പറ്റിയില്ലെങ്കിൽ കെട്ടിയോൾ ആണെന്ന് പറഞ്ഞു ഞാൻ എന്തിനാ ഇരിക്കുന്നെ…”

അതും പറഞ്ഞു അവള് തിരിഞ്ഞു അകത്തേക്ക് പോകാൻ തുടങ്ങി.

“ഹാ പിണങ്ങല്ലേ നിക്ക് ഇത്രയും ദൂരത്ത് നിന്ന് കെട്ടിയോൻ വന്നിട്ട് ഒന്ന് സുഖമാണൊ എന്ന് പോലും ചോദിക്കാത്ത നീ എന്തൊരു ദുഷ്ടയാണെടി….?”

ഞാനും വിട്ടു കൊടുക്കാതെ തമാശ രീതിയിൽ. അവളെ ചെന്ന് കോരി എടുത്തു കൊണ്ട് ഞാനും ചോദിച്ചു.

“ആഹാ… എന്നിട്ട് കാലു വയ്യാത്ത കെട്ടിയോളുടെ സുഖ വിവരം താൻ അന്വേഷിച്ചോ… ദുഷ്ടാ….”

ഒരു ചിരിയോടെ എന്റെ തോളത്തു ചുറ്റിപിടിച്ചുകൊണ്ട് അവൾ പറഞ്ഞു.

അങ്ങനെ കളിയും ചിരിയും ആയി ഞങ്ങളുടെ ജീവിതം ഞങ്ങൾ സന്തോഷത്തോടെ ജീവിക്കുന്നു…

“ഞാൻ എപ്പോളും ആലോചിക്കും അമ്മയെപ്പോലെ….

അല്ലെങ്കിൽ അമ്മയേക്കാൾ മനസ്സിന് കരുത്തുള്ളവളാണ് അവൾ….

തളർന്നു പോയിട്ടില്ല ഇതുവരെ. ഞാൻ ആഗ്രഹിച്ചതുപോലെ ഉള്ള ഒരു പെണ്ണാണ് എന്റെ അമ്മു….”

~ അവസാനിച്ചു ~