ഹരിയുടെ പ്രണയം [Tom David] 124

 

ഞാൻ വാച്ചിലേക്കി നോക്കി. സമയം അഞ്ചാകാൻ രണ്ടു മിനുട്ട് കൂടിയേ ഉള്ളു.

 

“ശരിയാ സാർ തോന്നുന്നില്ല അഞ്ചാകുമ്പോ ആ സുകു വണ്ടി എടുക്കും പിന്നെ ചന്ദ്രൻ ചേട്ടൻ മാക്സിമം നോക്കുമായയിരിക്കും നമ്മൾ ചെല്ലുന്നിടം വരെ…”

 

എന്ന് പറഞ്ഞുകൊണ്ട് ഞാനും രഘു സാറിന്റെയൊപ്പം വേഗം കൂട്ടി നടന്നു.

 

സ്റ്റാൻഡിനു അടുത്തെത്താറായപ്പോൾ സമയം അഞ്ചുമണി കഴിഞ്ഞിരുന്നു. സ്റ്റാൻഡിൽ നിന്നുള്ള വഴി തിരിഞ്ഞു സുരഭി വെളിയിലേക്ക് ഇറങ്ങി പോകുന്നത് കണ്ട ഉടനെ രഘു സാർ കൂവിക്കൊണ്ട് ഓടാൻ തുടങ്ങി. ഞാനും കൂടെ ഓടി കുറച്ചു മുൻപിലേക്കു നീങ്ങിയ ശേഷം വണ്ടി നിന്നു. ഞങ്ങൾ ഓടി ചെന്ന് കേറി.

 

“എന്തുവാടേ ഇത്, നിനക്കൊക്കെ അറിയത്തില്ലേ അഞ്ചുമണിക്ക് വണ്ടി എടുക്കണ്ടതാണ് എന്ന്?”

 

ബെൽ അടിച്ചുകൊണ്ട് ചന്ദ്രൻചേട്ടൻ ചോദിച്ചു.

 

ഞങ്ങൾ രണ്ടുപേരും അണച്ചുകൊണ്ട് പുറകിലെ വാതിലിനു പിന്നിൽ ഇരുന്നു.

 

“ഇപ്പൊ തന്നെ നിനക്കൊക്കെ വേണ്ടി ആണ് വണ്ടി ഇത്രയും നേരം എടുക്കാതെ നിർത്തിയിരുന്നത്. ആ സുകു കിടന്നു കയറു പൊട്ടിക്കുവാരുന്നു…”

 

“എന്റെ പൊന്നു ചേട്ടാ സ്കൂളിൽ കുറച്ചു പണി ഉണ്ടാരുന്നു അതാ ലേറ്റ് അയതു”

 

കിതപ്പ് കുറച്ചു കുറഞ്ഞ ഗ്യാപ്പിൽ അത്രയും പറഞ്ഞൊപ്പിച്ച ശേഷം രഘു സാർ കിതപ്പ് വീണ്ടും തുടർന്നു.

 

“ഹാ എന്തേലും ആകട്ടെ പൈസ എടുക്കു…”

 

പൈസയും മേടിച്ചുകൊണ്ട് ചേട്ടൻ മുൻപിലേക്കു പോയി.

 

ഞങ്ങൾ രണ്ടുപേരും കുറെ നേരം കൂടി ഒന്നും മിണ്ടാതെ ഇരുന്നു. ശ്വാസം ഒന്നു നേരെ ആയപ്പോൾ ആണ് രഘു സാർ ചോദിക്കുന്നത്.

 

“നീ ജോലിക്ക് കേറിയിട്ട് ഇപ്പൊ ഒന്നര വർഷം കഴിഞ്ഞില്ലേ?”

 

“ഇല്ല സാർ അടുത്തമാസം ഒന്നര വർഷം ആകും”

 

” ഇപ്പൊ ജോലി ആയില്ലേ പിന്നെ എന്താ വച്ചു താമസിപ്പിക്കുന്നത്? ”

 

“എന്ത്?”

 

സാറിന്റെ ചോദ്യം കേട്ടു ഒന്നും മനസ്സിലാവാത്ത ഞാൻ ചോദിച്ചു.