ഹരിയുടെ പ്രണയം [Tom David] 124

“ഒന്നാം രാഗം പാടി….

ഒന്നിനെ മാത്രം തേടി….

വന്നുവല്ലോ ഇന്നലെ നീ വടക്കുന്നഥന്റെ മുന്നിൽ….”

 

പാട്ടിൽ തന്നെ മുഴുകി ഇരുന്ന എന്റെ കയ്യിൽ വെള്ളത്തുള്ളികൾ വീണു തുടങ്ങിയപ്പോൾ ആണ് മഴ പെയ്യുന്ന കാര്യം ഞാൻ അറിഞ്ഞത്. എല്ലാവരും സീറ്റിന്റെയടുത്തുള്ള ഷട്ടർ ഇട്ടു പക്ഷെ എന്തോ എനിക്ക് ഇടാൻ തോന്നിയില്ല. ഒരു പ്രേത്യേക മൂടായിരുന്നു അപ്പോൾ എന്റെ മേലേക്ക് വീണുകൊണ്ടിരുന്ന വെള്ളത്തുള്ളികളെ പാട്ടിനോടൊപ്പം ഞാൻ ആസ്വദിച്ചു.

 

പെട്ടന്നാണ് വണ്ടി സഡൻ ബ്രേക്ക്‌ ഇട്ടതു ഞാൻ അല്പം മുൻപിലെല് തെറിച്ചു പക്ഷെ കമ്പിയിൽ പിടിയിച്ചിരുന്നതുകൊണ്ട് ഒന്നും പറ്റിയില്ല ഞാൻ പതിയെ വെളിയിലേക്കു നോക്കി. ശിവക്ഷേത്രത്തിന്റെ മുൻപിൽ ആയിരുന്നു വണ്ടി.

 

വണ്ടിയിലേക്ക് കയറുന്നവരിൽ തൂവെള്ള ചുരിദാർ ഇട്ട ഒരുവൾ എന്റെ കണ്ണിലുടക്കി. കുറെ പെൺകുട്ടികളോടൊപ്പം കളിച്ചു ചിരിച്ചു വർത്തമാനം പറഞ്ഞു അവൾ വണ്ടിയിലേക്ക് കയറി മഴ അവളെയും നനച്ചിരുന്നു.

 

അവളെ നോക്കി നിന്നിരുന്ന എന്റെ കയ്യിൽ നിന്നും ഫോൺ താഴേക്കു വീണിരുന്നു. അതേടുത്തശേഷം ഞാൻ അവളെ നോക്കി. ഞങ്ങളുടെ കണ്ണുകൾ ഉടക്കി എന്റെ കൈ കൊണ്ട് ഫോണിൽ ഇട്ടിരുന്ന പാട്ട് ഓണായി.

 

“കണ്ണുകളാൽ അർച്ചന….

മൗനങ്ങളാൽ കീർത്തനം….

എല്ലാമെല്ലാം അറിയുന്നി….”

 

അപ്പോളേക്കും ഞാൻ പാട്ട് off ആക്കി. ആകെ ചമ്മിയ അവസ്ഥ. അവൾ എനിക്ക് ചെറിയ ഒരു പുഞ്ചിരി നൽകി. പിന്നെ എന്തോ അവളെ നോക്കാൻ എനിക്ക് തോന്നിയില്ല ഇതുവരെ ഞാൻ അനുഭവിച്ചിട്ടില്ലാത്ത ഒരു മാനസികാവസ്ഥ ആയിരുന്നു അത്. ഞാൻ ഇത്രയും കാലം കാത്തിരുന്നത് ഇവൾക്ക് വേണ്ടി ആയിരുന്നോ എന്ന് എനിക്ക് തോന്നി. എന്റെ മനസ്സ് എന്തൊക്കെയോ ചിന്തിച്ചുകൂട്ടി അമ്മയ്ക്കുള്ള ഉത്തരത്തിനു സമയം ആയോ എന്നൊരു തോന്നൽ.

 

“ടാ നീ എന്തോ ആലോചിച്ചോണ്ടിരിക്കുവാ ഇറങ്ങുന്നില്ലേ..?”

 

ചന്ദ്രൻചേട്ടന്റെ ചോദ്യം കേട്ടാണ് ഞാൻ ചിന്തയിൽ നിന്ന് എഴുന്നേറ്റത്. എനിക്കിറങ്ങാൻ ഉള്ള സ്റ്റോപ്പ്‌ ആയിരുന്നു. അവളെ ഞാൻ ബസ്സിന്‌ ഉള്ളിൽ കണ്ണുകൾക്കോണ്ട് തിരഞ്ഞു പക്ഷെ എനിക്കവളെ കാണാൻ സാധിച്ചില്ല. ഇതിനു മുൻപുള്ള ഏതോ സ്റ്റോപ്പിൽ അവൾ ഇറങ്ങിയിരുന്നു ഞാൻ ഇറങ്ങി വീട്ടിലേക്കു നടന്നു….

 

പിന്നീടുള്ള ദിവസങ്ങളിൽ എല്ലാം അവളെ ആ ബസ്സിൽ ഞാൻ കണ്ടു എത്രയൊക്കെ ശ്രമിച്ചിട്ടും എന്റെ നോട്ടം അവളിലേക്ക് തന്നെ പൊയ്ക്കൊണ്ടിരുന്നു. എന്നെ അറിയാവുന്ന രഘു സാറിനു എന്റെ പെരുമാറ്റത്തിലെ പന്തികേടിൽ നിന്ന് തന്നെ കാര്യം പിടികിട്ടി ചന്ദ്രൻചേട്ടനും അങ്ങനെ കാര്യങ്ങൾ അറിഞ്ഞു.

 

പക്ഷെ അവൾ ആരാണെന്നോ പേരെന്താണെന്നോ ഒന്നും ഞങ്ങൾക്ക് ആർക്കും അറിയില്ലാരുന്നു. അന്വേഷിക്കാൻ കഴിയില്ലായിരുന്നു എന്നതാണ് സത്യം.