ഹരിയുടെ പ്രണയം [Tom David] 124

 

“സാർ അടുത്താഴ്ച വരും ചേട്ടാ, rest എടുക്കാൻ ആണ് ഡോക്ടർ പറഞ്ഞേക്കുന്നെ നല്ല വീഴ്ച്ച അല്ലായിരുന്നോ അധികം ഒന്നും പറ്റാഞ്ഞത് ഭാഗ്യം”.

 

ടിക്കറ്റ് വാങ്ങിക്കൊണ്ട് ഞാൻ പറഞ്ഞു.

 

ഒന്ന് മൂളിയ ശേഷം ചന്ദ്രൻചേട്ടൻ പുള്ളിയുടെ ജോലിയിലേക്ക് കടന്നു.

 

സ്കൂളിൽ പഠിക്കുമ്പോ തൊട്ടു കാണാൻ തുടങ്ങിയതാണ് ഞാൻ ചന്ദ്രൻചേട്ടനെ പ്രായത്തിന്റെ ചില ശാരീരിക പ്രശ്നങ്ങൾ ഒഴിച്ചാൽ അന്നും ഇന്നും ഒരു മാറ്റാവുമില്ലാതെ തുടരുകയാണ് അയ്യാൾ. ഇതുവരെ ഞാൻ കണ്ടതിൽ മാറ്റം ഇല്ലാതെ തുടരുന്ന കുറച്ചു പേരിൽ ഒരാൾ…. എന്റെ മനസ്സ് വീണ്ടും ചിന്തയിലേക്ക് ആഴ്ന്നു.

 

അൽപ്പനേരത്തിനുള്ളിൽ തന്നെ വണ്ടി എടുത്തു ഞാൻ പുറത്തെ കാഴ്ചകൾ കണ്ടു ഇരുന്നു പെട്ടന്ന് ആകാശം മുഴുവൻ കാർമേഘങ്ങൾക്കൊണ്ട് മൂടി.

പതിവില്ലാതെ ഒരു മഴ….

ബസിൽ വച്ചിരുന്ന പാട്ട് മാറി. മറ്റൊരു പാട്ട് തുടങ്ങി.

 

“ഒന്നാം രാഗം പാടി…

ഒന്നിനെ മാത്രം തേടി…

വന്നുവല്ലോ ഇന്നലെ നീ വടക്കും നാഥാന്റെ മുന്നിൽ…”

 

വണ്ടി ശിവക്ഷേത്രത്തിനു മുൻപിൽ ആയി നിന്നു. ഇതുപോലെ ഒരു മഴ ഉള്ള ദിവസം ആണ് അവളെ ഞാൻ ആദ്യമായി കാണുന്നത് ഈ ക്ഷേത്രത്തിനു മുന്നിൽ വച്ചു തന്നെ….

 

വർഷങ്ങൾക്കിപ്പുറം എന്റെ മനസ്സിൽ ഞാൻ അടക്കി വച്ചിരുന്ന ആ ഓർമ്മകൾ ഒരു നോവോടെ എന്റെ ചിന്തയിലേക്ക് വന്നു…

 

 

 

 

 

°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°°

 

 

 

 

 

 

“ഇന്ന് സുരഭി കിട്ടും ഇന്ന് തോന്നുന്നില്ലടാ….”

 

രഘു സാർ എന്നെനോക്കി പറഞ്ഞു.