ഹരിയുടെ പ്രണയം

Author :Tom David

 

ഹായ് guyss എല്ലാവർക്കും എന്റെ ഹൃദയം നിറഞ്ഞ പുതുവാത്സരാശംസകൾ….??

 

2022 എല്ലാവർക്കും നല്ല ഒരു വർഷം ആയിരിക്കട്ടെ എന്ന് ആശംസിക്കുന്നു. ഇനി ആയില്ലെങ്കിൽ എന്നെ കുറ്റം പറയരുത്….?

 

 

_____________________________________

 

 

 

 

 

“ഹാ നീ എത്തിയോ ഇന്നലെ വരും എന്നല്ലേ പറഞ്ഞത് എന്താടാ വൈകിയത്”

 

ചന്ദ്രേൻചേട്ടന്റെ ചോദ്യം കേട്ടാണ് ഫോണിൽ നിന്നുള്ള നോട്ടം മാറ്റിയത്.

 

“ഹാ ചേട്ടാ അവിടെ ഇന്നലെകൂടി നിക്കണ്ട ആവശ്യം ഉണ്ടായിരുന്നു. അതാ വൈകിയത്…… ദാ പൈസ”

 

ടിക്കറ്റ് കാശു കൊടുത്ത ശേഷം ഞാൻ പുറത്തേക്കു നോട്ടം മാറ്റി. പയൽ പിടിച്ചതും സിനിമ പോസ്റ്ററും മറ്റു പല ചിത്രങ്ങളും ഒട്ടിച്ചിരിക്കുന്ന ചുവരുകൾ. ബസ്സ്കളുടെ എഞ്ചിന്റെ ശബ്ദം, ഓണടി ശബ്ദം. ചെറിയ ചെറിയ കടകൾ. അവരവരുടെ ആവശ്യങ്ങൾക്കായി വണ്ടി കാത്തു നിൽക്കുന്ന ആളുകൾ. എല്ലാവരും വളരെ തിരക്കിൽ ആയതു പോലെ. ഇത്രയും കാലം ഇവിടെ തന്നെ ആയിരുന്നല്ലോ പിന്നെ എന്തെ ഇപ്പോൾ ഇങ്ങനെ ഒരു തോന്നൽ എല്ലാം മാറിയത് പോലെ….

 

ഞാൻ മനസ്സിൽ ചിന്തിച്ചു.

 

“ടാ ഇന്നാ ടിക്കറ്റ്, പിന്നെ എന്നാ രഘുന്റെ ലീവ് തീരുന്നേ….?”

 

ചിന്തകളെ എലാം വകഞ്ഞു മാറ്റി കൊണ്ട് ചന്ദ്രേൻചേട്ടൻ ചോദിച്ചു.