സൗഹൃദം [വിച്ചൂസ്] 118

“അതോ അടുക്കളയിൽ കേറി കട്ട് തിന്നതിനു വഴക്കു കിട്ടി ഞാനാകെ മൂഡ് ഓഫ്‌ ആയിരുന്നു… ”

“നീ എന്തിനാ അങ്ങനെ ചെയ്യണേ അല്ലാതെ തന്നെ നിനക്ക് ഉള്ളത് തരുന്നില്ലേ ”

“ശീലം ആയി പോയി ”

“കൊള്ളാം.. പിന്നെ ഈ രാത്രി കറങ്ങി നടന്നു അന്നത്തെ പോലെ തെരുവിൽ കിടക്കുന്നവന്മാരുമായി വഴക്കിനു പോകരുത്..”

“ഞാൻ അങ്ങോട്ടു പോവില്ല… ഇങ്ങോട്ടു വന്ന ഞാൻ മാന്തും… പിന്നെ രക്ഷിക്കാൻ നീ വരുവല്ലോ.. നിന്നെ കണ്ടാൽ അവന്മാര് ഓടും ”

“അതിന്റെ ബലത്തിൽ ആണലോ നീ ഇവിടെ കിടന്നു ഇങ്ങനെ കാണിക്കുന്നെ ”

“ഏറെക്കുറെ ”

അപ്പോഴാ എനിക്ക് ഉള്ള ഭക്ഷണവുമായി എന്റെ യജമാനൻ വരുന്നത്… വില കൂടിയ നായ ആയത്കൊണ്ട് ഭക്ഷണം അതുപോലെ തന്നെയാണ്…. ഒന്ന് വാലാട്ടി കാണിച്ചു… തലയിൽ തടവി ഫുഡും തന്നു പുള്ളിക്കാരൻ അങ്ങ് പോയി…

അപ്പോഴാ ഞാൻ അവളുടെ കാര്യം ആലോചിച്ചത്… ഇവൾ ഇത് എവിടെ പോയി കാണാൻ ഇല്ലാലോ… നിന്ന നിൽപ്പിൽ കാണാതെ ആവും

“ഡാ റോക്കി ഇവിടെ”

ഞാൻ  നോക്കുമ്പോൾ മതിലിൽ കേറി ഇരുന്നു വാലും ആട്ടി നില്കുന്നു… നിങ്ങൾക്കു ആളെ മനസ്സിലായോ… എന്റെ കൂട്ടുകാരി മിന്നു പൂച്ച… കക്ഷി അപ്പുറത്തെ വീട്ടിലെ ആണ്… ഇവിടെ എനിക്ക് ഒരു കൂട്ടാണ്… ആദ്യമൊക്കെ ഞങ്ങൾ വൻ വഴക്കായിരുന്നു… പിന്നെ എപ്പോഴോ കമ്പനി ആയി….

“ഡാ നീ കഴിക്കാൻ വരട്ടെ … ഇന്ന് അവിടെ നല്ല മീൻ ഉണ്ട്… ഞാൻ പോയി കൊണ്ടുവരാം… ”

ഇതാണ് അവളുടെ പ്രശ്നം… തിന്നാൻ കൊടുത്താലും മോഷ്ടിക്കും… പറഞ്ഞിട്ടു കാര്യമില്ല… കൂട്ടുകാരി ആയിപോയിലെ സഹിച്ചേ പറ്റു…

സ്നേഹത്തോടെ

വിച്ചൂസ് ❤