സൈക്കോ 2[MI] 59

ഒരുപാട് ദിവസങ്ങള്‍ക്ക് ശേഷമാണു ഉന്മേഷത്തോടെ ഉണരുന്നത് വളരെ ഏറെ ദിവസങ്ങള്‍ക്ക് ശേഷം റിച്ചുവിനെ കാണാമെന്നതയിരുന്നു അതിനു കാരണം.സെമെസ്റ്റര്‍ എക്സാംകഴിഞ്ഞു ഇന്നാണ് കാണാന് സാധിക്കുന്നത് തന്നെ.

അതുകൊണ്ട് ഞാന്‍ പതിവിന് വിപരീതമായി നേരെത്തെ തന്നെ കോളെജില്‍ എത്തി റിച്ചുവിനായി വെയിറ്റ് ചെയ്തു നിന്നു ഉടനെ തന്നെ റിച്ചു എത്തി ഞങ്ങള്‍ പ്ലാന്‍ ചെയ്തിരുന്നത് അനുസരിച്ച്  ക്ലാസ്സ്‌ കട്ട്‌ചെയ്തു പുറത്ത് കറങ്ങിനടന്നു റിച്ചു പുതുതായി എടുത്ത ബൈക്കിലയിരുന്നു ഞങ്ങളുടെ യാത്ര.

ഷോപ്പിംഗ്‌ സിനിമ ബീച് അങ്ങനെ പലതുമായി, ഞാന്‍ റിച്ചുവുമായുള്ള  ആ സുന്ദര നിമിഷങ്ങള്‍ ആസ്വദിക്കുകയായിരുന്നു. റിച്ചു തന്നെയാണ് എന്നെ ഡ്രോപ്പ് ചെയ്തതും.ഞാന്‍ വീട്ടില്‍ കയറി ചെല്ലുമ്പോള്‍ അവിടെ അമേല്യ ആന്‍റിയുമായി സംസരിച്ചിരിക്കുന്നതാണ് കണ്ടത്, അത് കണ്ടതും എന്‍റെ സന്തോഷമെല്ലാം ഇല്ലാതായി.അമേല്യ എന്നോടൊപ്പം അല്‍പസമയം ചിലവഴിച്ചിട്ടാണ് അവള്‍ മടങ്ങിയത്.

“ ടി, മോളെ നിനക്ക് റിഷഭിനെ ഇതിനു മുന്‍പ് അറിയാമായിരുന്നോ” ആന്‍റി എന്നോട് ചോദിച്ചു

“ ഇല്ല. ഞാന്‍ ആദ്യമായി അവനെ കാണുന്നത് കോളേജില്‍വച്ച, എന്താ അവനെ കുറിച്ച് ഇപ്പോള്‍ ചോദിക്കാന്‍”

“ നീ ഞാന്‍ പറയുന്നത് സമാധാനത്തോടെ കേള്‍ക്കണം എടുത്ത് ചാടി ഒന്നും പ്രവര്‍ത്തിക്കരുത്

നിന്‍റെ അമ്മ അവനെ ഇവിടെ കൊണ്ട് വന്നിട്ടുണ്ട്”

“എന്ത്” ഞാന്‍ വിശ്വാസിക്കനാകാതെ ചോദിച്ചു.

“അവന്‍ ഇവിടെ ഉണ്ട്, ഞാന്‍ ഒരുപാട് പ്രാവശ്യം പറഞ്ഞുനോക്കി പക്ഷെ നിന്‍റെ അമ്മ  അത് കേട്ടില്ല. അവനെ ഇവിടെ നിര്‍ത്തുമെന്നുള്ള ഒരേ വാശിയിലായിരുന്നു” ആന്‍റി പറഞ്ഞു.

“ഞാന്‍ അച്ഛനെ വിളിച്ചു പറയാം അവനെ ഇവിടെ നിര്‍ത്തേണ്ടന്ന്”ഞാന്‍ ആന്‍റിയുടെ ഫോണ്‍ പിടിച്ചു വാങ്ങികൊണ്ട് പറഞ്ഞു.

“അതിലൊന്നും ഒരു കാര്യവുമില്ല ഞാന്‍ ചേട്ടനെ അറിയിച്ചു പക്ഷെ ചേട്ടനും അവനെ ഇവിടെ നിര്‍ത്താന പറഞ്ഞത്”

അത് കേട്ടതും എന്‍റെ എല്ലാ നിയന്ത്രണവും നഷ്ട്ടമായി,“അമ്മ എവിടെ” എന്‍റെ ശബ്ധമുയര്‍ന്നു

“മുകളില്‍”