സഹോദരൻ

Author : വിച്ചൂസ്

പ്ലസ് ടു കഴിഞ്ഞു… ചുമ്മാ കളിച്ചു നടക്കുന്ന സമയം… ഒരു ദിവസം വൈകിട്ടു… കളിയും കഴിഞ്ഞു വരുമ്പോൾ കണ്ടത് സങ്കടപ്പെട്ടു ഇരിക്കുന്ന അച്ഛനെയും അമ്മയെയും… ആണ്.. ഞാൻ അവരോടു എന്തെങ്കിലും ചോദിക്കുന്നതിനെ മുൻപേ… അച്ഛൻ എന്നെയും അകത്തേക്കു കൊണ്ട് പോയി..

“എന്താ അച്ഛാ രണ്ടു പേർക്കും ഒരു സങ്കടം ”

“അത് മോനെ… ഒരു കാര്യം പറയാൻ ഉണ്ട്..”

“എന്താ അച്ഛാ…”

“മോനെ നിന്റെ അമ്മ ഗർഭിണി ആണ്…”

ആദ്യം കേട്ടപ്പോൾ ഞാൻ ഞെട്ടി… വേറെ ഒന്നും കൊണ്ടല്ല.. എനിക്ക് ഇപ്പോൾ തന്നെ പതിനെട്ടു വയസ്സ് ഉണ്ട്.. അപ്പോ എനിക്ക് ഒരു കൂടപ്പിറപ്പു വരുമ്പോൾ ശെരിക്കും എന്റെ മകനോ മകളോ ആവുമാലോ…

“നീ ഒന്നും പറഞ്ഞില്ല…”

“അച്ഛാ എനിക്ക് പ്രശ്നമില്ല… സന്തോഷിക്കണ്ട… കാര്യമല്ലേ…”

“അതല്ല മോനെ… നിൻറെ അമ്മ പറയുന്നത്… ഈ പ്രായത്തിൽ ഇങ്ങനെയൊകെ നാട്ടുകാര് എന്ത് പറയുമെന്ന അവൾ ചോദിക്കുന്നത്…”

“നാട്ടുകാരാണോ നമ്മടെ കാര്യം തീരുമാനിക്കുന്നത്… അച്ഛാ ഒന്ന് ആലോചിച്ചു നോക്കു… ഈ ലോകത്ത് എത്രയോ ആൾകാർക്ക് കുട്ടികൾ ഇല്ല… അപ്പോ നമ്മക്കു ദൈവം തന്ന അനുഗ്രഹം അല്ലെ ഇത് ”