ഷോർട്ട് ഫിലിം (മനൂസ്) 2914

കാര്യമായിട്ട് ഇതുവരെ വഴക്കും അടിയും അല്ലാതെ മറ്റൊന്നും കോളേജിൽ ചെയ്യാത്ത ഞങ്ങൾക്ക് അവന്റെ വചനങ്ങൾ വേദവാക്യമായി..

“എന്നാ നമ്മള് പൊളിക്കും……”
ഞാനും കൂടെ ചേർന്നു……

“കഥയൊക്കെ എന്റെ കൈയ്യിലുണ്ട്……”

അച്ചു പറഞ്ഞു..

“എടാ അച്ചു അപ്പൊ നീ എല്ലാം മുൻകൂട്ടി കണ്ടു കൊണ്ടാണല്ലേ ഇറങ്ങിയെക്കുന്നെ…..”

എന്റെ ചോദ്യത്തിന് ഇതൊക്കെ എന്ത് എന്ന അർത്ഥത്തിൽ അവൻ ഒരു പുഞ്ചിരി സമ്മാനിച്ചു……

“ടാ മോനെ…. ഈ കഥയിലെ നായകൻ നീയാണ്…..”

അച്ചുവിന്റെ വാക്കുകൾ എന്റെ മനസ്സിൽ ലഡ്ഡു പൊട്ടിച്ചു….. ഏറ്റവും നല്ല ഷോർട്ട് ഫിലിം നായകനുള്ള ഓസ്കാർ
വാങ്ങുന്നത് ഞാൻ അവിടിരുന്നു സ്വപ്നം കണ്ടു……

സംഭവം സ്വപ്നം അല്ലെ എന്ത് വേണേലും കാണാമല്ലോ…..

2015 ക്രിക്കറ്റ് വേർള്ഡ് കപ് ഫൈനലിൽ ഇന്ത്യയെ ഞാൻ സിക്സ് അടിച് ജയിപ്പിക്കുന്നതായി വരെ കണ്ടിട്ടുണ്ട്, അത് വച്ച് നോക്കുമ്പോ ഇത് ചെറുതല്ലേ……

ഞാൻ എല്ലാവന്മാരെയും സൂക്ഷിച്ച് നോക്കി….. എന്തോ ഒരു വാട്ടം എല്ലാരുടെയും മുഖത്തു കാണുന്നുണ്ട്….

ഹോ എന്റെ സാറേ ആ ഫീലിംഗ് അനുഭവിച്ച തന്നെ അറിയണം….

“ഇത് സിനിമക്കുള്ളിലെ സിനിമയാണ്….. ഒരുത്തന്റെ ഷോർട്ട് ഫിലിം എടുക്കണമെന്ന മോഹത്തിന്റെ കഥ……”
അച്ചു പറഞ്ഞു…..

“ഓഹ്ഹ് ….അപ്പൊ ഞാൻ ആണ് അല്ലെ ആ കഥാപാത്രം ചെയ്യേണ്ടത്…..”
സ്വല്പം ഗമയോടെ ഞാൻ അത് ചോദിച്ചു…..

“അല്ല….. നീ അവൻ എടുക്കുന്ന ഷോർട് ഫിലിമിലെ കഥാപാത്രം ആണ്…. ”
മനസ്സിൽ പൊട്ടിയ ലഡ്ഡു അതിലും വേഗത്തിൽ ഒട്ടി…..

“എയ്…. നീയല്ലേ പറഞ്ഞേ ഞാൻ ആണ് ഹീറോ എന്ന്……”

“ഹീറോ ആദർശ് ആണ് ചെയ്യുന്നത്….ബട് ഫിലിമിൽ നിന്റെ കഥാപാത്രത്തിന് ആണ് ഏറ്റവും കൂടുതൽ സീൻസ് ഉള്ളത്…..”
അച്ചുവിന്റെ ആ വാക്കുകൾ എന്റെ ഉള്ളിലെ ഒട്ടിയ ലഡ്ഡു വീണ്ടും പൊട്ടിച്ചു….

വീണ്ടും എന്റെ തല ഉയർന്നു……

“നായിക വല്ലതും ഉണ്ടോടെ…….”
ആദർശ് ആണ് അത് ചോദിച്ചതെങ്കിലും അത് അവിടെ ഇരുന്ന എല്ലാവരുടെയും ചോദ്യം ആയിരുന്നു……