ശ്രീ നാഗരുദ്ര ? ???? മൂന്നാം ഭാഗം – [Santhosh Nair] 1141

ഇനി എങ്ങും നിർത്താതെ വിട്ടാൽ നാലു മണിക്കൂറിനുള്ളിൽ തന്നെ പാലക്കാടെത്താം. അവന്റെ മനസ്സറിഞ്ഞിട്ടെന്നോണം ആ കാർ മുന്നോട്ടോടിക്കൊണ്ടേയിരുന്നു.

എന്തൊക്കെയോ ചിന്തകളിൽ മനസ്സു തെല്ലു വ്യാപൃതമായി – ഇതുവരെ ചിന്തിയ്ക്കാൻ പോലും തോന്നിയിട്ടില്ലാത്ത കാര്യങ്ങളാണ് നടന്നത്. ഒരു യക്ഷിയോ / പ്രേതമോ എന്നു പറയാനറിയാത്ത യുവതിയുമായി ബന്ധപ്പെടുക, അവൾ തന്റെ കാർ ശരിയാക്കിത്തന്നു, കുറെ സ്വത്തുക്കളും മറ്റും തനിയ്ക്കു ഇഷ്ടദാനം പോലെ തരുന്നു – പറഞ്ഞാലാരെങ്കിലും വിശ്വസിയ്ക്കുമോ? അതോ ഇതൊക്കെ തന്റെ ഭ്രമം ആണോ?

പെട്ടെന്നു ആ കാറിനുള്ളിൽ പാലപ്പൂവിന്റെ പോലെ ഒരു സുഗന്ധം പരന്നു. രുദ്രയുടെ ശബ്ദം അവൻ വ്യക്തമായി കേട്ടു
“ഒന്നും സ്വപ്നം അല്ല, നിജം. മറ്റൊന്നും ഓർക്കേണ്ട, ബിസിനസ് ഡീൽ തീർത്തിട്ടു വരിക, ഞങ്ങൾ കാത്തിരിയ്ക്കും – അടുത്ത ബുധനാഴ്ചയ്ക്കുള്ളിൽ സേലത്തു വക്കീൽ മാമനെ കാണാൻ മറക്കരുത്.”

“രുദ്ര” അവന്റെ കാൽ ആക്സിലേറ്റർ വിട്ടു ബ്രേക്കിൽ അമർന്നു, പക്ഷെ കാർ നിൽക്കാതെ മുന്നോട്ടോടിയ്‌ക്കൊണ്ടിരുന്നു.

“ഭയപ്പെടാതെ ഏട്ടാ, താങ്കളെ പാലക്കാട് എത്തിച്ചിട്ടേ ഈ കാർ നിൽക്കൂ. ഞാനുണ്ട് കൂടെ” ദൃഢമായ ശബ്ദം.

“എന്തേ എന്നെ വിശ്വാസമില്ലേ? ഞാൻ തിരികെ വരും, നമ്മൾ വീണ്ടും കാണും.”

“അങ്ങനൊന്നുമില്ല ഏട്ടാ, ഞാൻ കൂടെ വരുന്നതിനു മറ്റൊരു കാരണം ഉണ്ട്, അതു ഏട്ടന് പിന്നീട് മനസ്സിലാകും.”

“എന്തേ എന്നെ വിശ്വാസമില്ലേ? ഞാൻ തിരികെ വരും, നമ്മൾ വീണ്ടും കാണും.”

“അങ്ങനൊന്നുമില്ല ഏട്ടാ, ഞാൻ കൂടെ വരുന്നതിനു മറ്റൊരു കാരണം ഉണ്ട്, അതു ഏട്ടന് പിന്നീട് മനസ്സിലാകും.”

കൂടിയ ബാധ കൊണ്ടേ പോകുവോള്ളൂ എന്നൊരു ചൊല്ലുള്ളതോർത്തു ശ്രീകുമാർ ചിരിച്ചു.

“ഞാൻ കൊണ്ടുപോവില്ലേട്ടാ, കണ്ടുകൊണ്ടു അടുത്തൊക്കെ നിൽക്കുകയേ ഉള്ളൂ.” ഒരു അടക്കിയ ചിരിയോടെ അവളുടെ ശബ്ദം വീണ്ടുമുയർന്നു.

“ഹി ഹി” തെല്ലു ജാള്യതയോടെ അവൻ പ്രതികരിച്ചു.

അധികം തിരക്കില്ലാത്ത നാഷണൽ ഹൈവെയിലൂടെ ആ വണ്ടി ചീറിപ്പാഞ്ഞു. രണ്ടര മണിക്കൂറുകൊണ്ട് കോയമ്പത്തൂർ ബൈപാസ് കയറി പാലക്കാടേയ്ക്കുള്ള വഴി തിരിഞ്ഞു.

“ഏട്ടന് വിശക്കുന്നുണ്ടോ?” രുദ്രയുടെ ശബ്ദം വീണ്ടും.

“അല്പം വിശക്കുന്നുണ്ട്, പക്ഷെ ഇനി നല്ല ഹോട്ടലുകൾ ഒന്നും ഇവിടെയുണ്ടെന്നു തോന്നുന്നില്ല, ബൈപാസ് കയറിവന്നില്ലേ?”

വണ്ടി ഇടതുവശത്തുള്ള ഒരു മരച്ചുവട്ടിൽ നിന്നു, ഹാൻഡ്‌ബ്രേക് ഇട്ടു. അവന്റെ സീറ്റ് ബെൽറ്റ് റിലീസ് ആയി, ഡ്രൈവർ സീറ്റ് അല്പം പിന്പിലേയ്ക്ക് നീങ്ങി. ഒരു ബോട്ടിൽ വെള്ളം വണ്ടിയുടെ ഹാൻഡ് ബ്രേക്കിനടുത്തുള്ള ആംറസ്റ്റിനു കീഴിലുള്ള ബോട്ടിൽ ഹോൾഡറിൽ വന്നു.