വസന്തം പോയതറിയാതെ – 8

Author :ദാസൻ

[ Previous Part ]

കഥയുടെ ഫ്ലോ കിട്ടാൻ താമസിച്ചതുകൊണ്ടാണ് താസിച്ചത്…………

ഇപ്പോൾ കഥ ലൈനിൽ ആയിട്ടുണ്ട് ഇനി താമസിക്കാതെ എഴുതി പോസ്റ്റ്‌ ചെയ്യാൻ കഴിയും.

ക്ഷമ ചോദിക്കുന്നതിൽ വലിയ അർഥം ഇല്ല……….

അതുകൊണ്ട് കഥ തുടരുന്നു. ലൈക്കുകളും വിമർശനങ്ങളും പ്രതീക്ഷിക്കുന്നു………….

ഇപ്പോൾ എനിക്കൊരു പ്രതീക്ഷയായി ആൾ, ഇവിടെത്തന്നെയുണ്ട് എന്നുള്ളത്. ഓഫീസ് മുറിയിൽ എത്തി സ്റ്റാഫുകളെ വിളിച്ചു

“നിങ്ങൾ ഇരിക്കു. ഇപ്പോൾ ഇവിടെ വന്നു പോയ ആ താടിയുള്ള മനുഷ്യൻ ആരാണ്”

സ്റ്റാഫുകളുടെ കൂട്ടത്തിൽ നിന്നും ഒരാൾ

“ഏത്, ആരെയാണ് ഉദ്ദേശിക്കുന്നത് സാർ?”

“ഞാനിപ്പോൾ കയറി വരുമ്പോൾ ഒരാൾ ഇറങ്ങി പോകുന്നതു കണ്ടു, അയാൾ?”

“ഓ….. അയാളൊ. എനിക്കറിയാം സാർ”

പ്രതീക്ഷ കൂടി.

” അയാളുടെ പേര് മുനിചാമി.”

എൻ്റെ പ്രതീക്ഷകളെ തളർത്തുന്ന ഉത്തരമാണ് അയാളിൽ നിന്നും ലഭിച്ചത്.

“S.S.എവിടെ? വാസുദേവൻ.”

“സാർ, സൂപ്രണ്ട് സാർ പുറത്തേക്ക് പോയി. “

“ശരി……. ശരി എല്ലാവരും സീറ്റിലേക്ക് പൊയ്ക്കോളു. “

എല്ലാവരും എഴുന്നേറ്റ് പോയി. ഇനിയിപ്പോൾ സീനിയർ സൂപ്രണ്ട് വാസുദേവനേയും കണ്ടിട്ട് കാര്യമില്ല.

ഞാൻ പുറത്തിറങ്ങിയപ്പോൾ പുറകെ എന്നെയും വിളിച്ച് വാസുദേവൻ സാർ വരുന്നുണ്ടായിരുന്നു.

” ഞാൻ ഓഫീസിലെ ഇരുന്നതുകൊണ്ടാണ് സംശയം പറഞ്ഞത്. അതൊക്കെ റെഡിയാക്കി തരാം”

ഞാൻ

“വലിയ ഉപകാരം സാർ. വരു സാർ നമുക്കൊരു ചായ കുടിക്കാം”

പുറത്തുള്ള ഹോട്ടലിൽ പോയി ചായ കുടിച്ചു.