ശിവാത്മികVI [മാലാഖയുടെ കാമുകൻ] 1383

അയാൾ ഫോൺ എടുത്തു ആർക്കോ എന്തോ മെസേജ് അയച്ചു..

അതിന് ശേഷം വണ്ടി മുൻപോട്ട് വിട്ടു..

“ചേട്ടൻ സിംഗിൾ ആണോ..?”

അവൾ ചോദിച്ചപ്പോൾ അയാൾ ചിരിച്ചു..

“അതെ മോളെ എനിക്കൊക്കെ ആര് പെണ്ണ് തരാൻ ആണ്..?”

“ഹോ എന്തൊരു സുന്ദരൻ ആണ് ചേട്ടൻ ഏതു പെണ്ണും വീഴും.. എനിക്ക് വരെ പ്രേമിക്കാൻ തോന്നുന്നുണ്ട്..”

അവൾ പുറത്തേക്ക് നോക്കി പറഞ്ഞപ്പോൾ രാജൻ ഉള്ളിൽ ആർത്തു ചിരിച്ചു..

വണ്ടി ഒരു ഇട വഴിയിൽ കയറി മുൻപോട്ട് പോയി അവൾ മാസ്ക് മാറ്റി ഹാറ്റ് കൂടെ എടുത്തു മാറ്റിയപ്പോൾ രാജന്റെ കണ്ണ് മിഴിഞ്ഞു..

അപാര സൗന്ദര്യം.. അയാളുടെ ചുണ്ടിൽ പുഞ്ചിരി വിടർന്നു..

വണ്ടി എത്തി നിന്നത് ഒരു ഇടത്തരം ഒറ്റപ്പെട്ട വീട്ടിൽ ആണ്..

“എന്താ ചേട്ടാ ഇവിടെ.?”

“ഫ്രണ്ടിന്റെ വീടാണ്.. കുറച്ചു പൈസ കൊടുക്കാൻ ഉണ്ട്.. അത് കൊടുത്തിട്ടു പോകാം..”

അയാൾ ഇറങ്ങി പോയപ്പോൾ അവളും ഇറങ്ങി.. അപ്പുറത്തു മൂന്നോളം ചെറുപ്പക്കാർ ഇരിക്കുന്നുണ്ടായിരുന്നു.. അവർ അവളെ കണ്ടു എന്തൊക്കെയോ പരസ്പരം പറഞ്ഞു..

“ഡാ എന്ത് നോക്കി നിൽക്കുകയാണ്? ആ പെണ്ണിന് കുടിക്കാൻ എന്തേലും കൊടുത്തേ. മര്യാദ ഇല്ലാത്ത വർഗങ്ങൾ.., ഓ അല്ലേൽ വേണ്ട.. ഞാൻ കൊടുത്തോളം.. നീയൊക്കെ അവിടെ ഇരുന്നോ…”

രാജൻ ദേഷ്യപ്പെട്ടു പറഞ്ഞു അകത്തേക്ക് പോയി.. ആലീസ് ചിരിയോടെ കാറിൽ ചാരി നിന്നു..

രാജൻ വന്നത് മിരിണ്ടയുടെ ഒരു കുപ്പിയും ആയിട്ടാണ്.. അത് അയാൾ അവൾക്ക് കൊടുത്തു.

ആലീസ് അത് വാങ്ങി നോക്കി.. വല്ലാത്തൊരു നുര.. അവൾ അടപ്പ് തുറന്ന് ഒന്ന് നോക്കി.