ലക്ഷ്‌മി 2

                Author: കണ്ണൻ

 

 

അവൾ പോയതിനു ശേഷവും അവൾ പറഞ്ഞ വാക്കുകൾ അവന്റെ കാതിൽ മുഴങ്ങി കൊണ്ടിരുന്നു….

അവൾ തന്ന ചായ കുടിക്കണോ വേണ്ടയോ എന്ന അവസ്ഥയിൽ ആ ഇരിപ്പ് തുടർന്നു…

ആ സമയത്തു ആണ് ദിവകരേട്ടൻ കുളി കഴിഞ്ഞു കയറി വന്നത് ..വിശ്വന്റെ ഇരിപ്പ് കണ്ടു ദിവാകരൻ അങ്ങോട്ടു വന്നു….

” വിശ്വാ …എന്താ ഇങ്ങനെ ഇരിക്കണേ….ചായ തണുത്തിട്ടുണ്ടാകും …….ലക്ഷ്മി… ആ ചായ ഒന്ന് ചൂടാക്കി കൊടുത്തെ…”

ലക്ഷ്മി എന്ന പേരു കേട്ടതും വിശ്വൻ ഞെട്ടി എഴുനേറ്റു നിന്നു…

” ടോ താനിക് എന്താ പറ്റിയെ…..താൻ എന്തിനാ ഇപ്പൊ ഞെട്ടിയെ…എന്തെങ്കിലും കുഴപ്പം ഉണ്ടോ…വയ്യേ….”

അപ്പോഴാണ് വിശ്വന് ബോധം വന്നത് താൻ ഇവിടെ ആണെന്നും കയ്യിൽ ചായ ഉണ്ടെന്നും…ദിവകരേട്ടൻ കുളി കഴിഞ്ഞു വന്നതും ഒകെ…

ദിവാകരൻ വിശ്വന്റെ നെറ്റിയിൽ കൈ വച്ചു നോക്കി…..

” ചൂട് ഒന്നും ഇല്ലാലോ ….പിന്നേ എന്താ ഇങ്ങനെ വിയർക്കാൻ കാരണം….തനിക്ക് വെള്ളം വേണോ…..ലക്ഷ്മി….”

ദിവാകരൻ വീണ്ടും മകളെ വിളിച്ചു….

ലക്ഷ്മി വിളികേട്ട് പുറത്തേക്കു വന്നു…

അവളെ കണ്ടതും വിശ്വന് വീണ്ടും വെപ്രാളം തുടങ്ങി…

” എന്താ അച്ഛാ വിളിച്ചേ…”

ലക്ഷ്മി വിശ്വനെ തന്നെ നോക്കി ദിവകരനോട് ചോദിച്ചു….

“അതു മോളെ വിശ്വന് എന്തോ ഒരു വയായ്ക പോലെ നീ കുറച്ചു വെള്ളം എടുത്തു കൊടുത്തെ…”

ദിവാകരൻ ലക്ഷ്മിക്ക് നിർദേശം കൊടുത്തു…

” എന്താ വിശ്വേട്ട വയ്യേ….ഞാൻ നോക്കട്ടെ…”

അവൾ അവന്റെ അടുത്തേക്ക് നീങ്ങി…

അതു കൂടെ കണ്ടപ്പോൾ വിശ്വൻ വേഗം കയ്യിൽ ഇരുന്ന ചായ ഒറ്റവലിക് കുടിച്ചു …പുറത്തേക്കു ചാടി ഇറങ്ങി ചെരുപ്പ് ഇട്ടു…

” അതേ മാമ ഞാൻ ഇറങ്ങുവാ…ഇപ്പൊ തന്നെ സമയം ഒരുപാട് ആയി…അവിടെ അച്ഛനും അമ്മയും നോക്കി ഇരിക്കുക ആയിരിക്കും….ഞാൻ എന്നാൽ നടക്കട്ടെ…”

അത്രയും പറഞ്ഞു അവൻ വേഗം നടക്കാൻ തുടങ്ങി….

ദിവാകരന് ഒന്നും മനസ്സിലായില്ല…എന്നാൽ ലക്ഷ്മിക്ക് എല്ലാം മനസിലായിരുന്നു….

” ഏതു വരെ ഓടും എന്നു ഞാൻ നോക്കട്ടെ…അങ്ങനെ ഒന്നും നിന്നെ വിടില്ല ഞാൻ വിച്ചേട്ട….”

അവൾ മനസിൽ പറഞ്ഞു….

അപ്പോഴും ദിവാകരന് അതു ഒന്നും മനസ്സിലായില്ല

” ഈ ചെക്കന് ഇതു എന്താ പറ്റിയെ….”

ദിവകരേട്ടൻ അങ്ങനെ പറഞ്ഞു ഉള്ളിലേക്കു നടന്നു…