രുദ്രാഗ്നി 6 [Adam] 252

.

.

ഇതേസമയം ഷോക്കടിച്ച കാക്കയെപോലെ നിൽക്കുകയാണ് ദേവൂ, പിന്നെ ഏതോ ലോകത്തെന്ന പോലെ കവിളിൽ കൈയും വെച്ച് അമ്മുവിന്റെ അടുത്തേക്ക് നടന്നു, അവൾ അമ്മുവിന്റെ ക്യാബിനിൽ ചെന്ന് അവിടെ കവിളിൽ കൈ വെച്ചിരുന്നു, ഇതേ സമയം ക്യാന്റീനിൽ വെച്ച് നടന്നത് അമ്മുവിനോട് പറഞ്ഞുകൊണ്ടിരുന്ന നിയ ദേവുവിനെ കണ്ട് അവളെ വിളിച്ചു

“ദേവൂ ”

“ദേവൂ ഡി ”

നിയ അവളെ കുലുക്കിവിളിച്ചു

“ഹേ, സമ്മതമാണ് ”

“ഡി നീ എന്തു തേങ്ങയാണ് ഈ പറയുന്നത് “-നിയ

“നിനക്ക് ഇതു എന്തു പറ്റി കവിളിൽ കൈയൊക്കെ വെച്ചു നീ ചുണ്ടെന്ന ചുവന്നിരിക്കുന്നത്, നീ ലിപ്സ്റ്റിക് വെല്ലോം തേച്ചോ, അതോ ആരാകിലും കരണക്കുറ്റിക്ക് അടിച്ചോ?”-അമ്മു

“മ്മുഹ്, ഇല്ല എന്റെ മുറച്ചെറുക്കൻ എന്നെ ഒന്ന് കേറി ഉമ്മിച്ചതാ ”

“ഹാഹാ ?, അതിനു നിനക്ക് മുറച്ചെ.., ഹേ ദേവ sir ”

അവൾ ദേവുവിനേ നോക്കി

ദേവൂ അവളെ തലയാട്ടി കാണിച്ചു

“നീ അപ്പൊ പുള്ളിനെ പ്രൊപോസ് ചെയ്തോ?”