രുദ്രതാണ്ഡവം 10 [HERCULES] 1313

എന്നത്തേയും പോലെ വൈകി എന്നറിയാം. എന്ത് പറഞ്ഞാലും നിങ്ങളെ കാത്തിരുപ്പിച്ചതിനുള്ള മറുപടി ആവുകയുമില്ല. അതുകൊണ്ട് ഒന്നും പറയാനില്ല. വായിച്ച് അഭിപ്രായമറിയിക്കൂ.

രുദ്രതാണ്ഡവം 10 | Rudrathandavam 10|

Author : Hercules

[PreviousPart]

അശോകിനെ വിളിച്ച് വിവരങ്ങൾ പറഞ്ഞ് ദേവകി അകത്തേക്ക് തിരിച്ചുവന്നു.

” അഭീ… അശോകിനെ ഞാൻ വിളിച്ചുപറഞ്ഞിട്ട്ണ്ട്…. അവന്നോക്കീട്ട് മെയിൽ ചെയ്യാമെന്നാ പറഞ്ഞേ. എന്തായാലുന്നീയിനി കുറച്ചൂസം കോളേജിൽ പോവണ്ട…!.”

” അവരെന്നെയെന്ത് ചെയ്യാനാ ദേവൂസേ… അവരെപ്പേടിച്ച് വീട്ടിലിരിക്കണംന്നാണോ ദേവൂസും പറയണേ…! ”

” എടായഭീ… ആന്റി പറയണേലും കാര്യമിണ്ടെടാ… അവരെന്താ പ്ലാൻ ചെയ്യണേന്ന് നമ്മൾക്കറിയില്ലല്ലോ…! ”

അജിലിന്റെ മറുപടി എല്ലാവരും ശരിവച്ചു.

” എടാ അവരെപ്പേടിച്ച് എത്രനാളിവിടെയിരിക്കണമെന്നാ…?”

അഭിയുടെ ചോദ്യത്തിന് ആരും മറുപടിയൊന്നും പറഞ്ഞില്ല.
എന്നാൽ ദേവകി കാര്യമായ എന്തോ ചിന്തയിലായിരുന്നു.

” നീ പറയണേലും കാര്യമുണ്ട്. അവരെപ്പേടിച്ചെത്രകാലം നീയിവിടെയിരിക്കണം… മനുവെന്തായാലും കോളേജ് മാറണമെന്ന് പറഞ്ഞ് വാശിയിലല്ലേ… അവനോട് ഇങ്ങോട്ട് ട്രാൻസ്ഫർ വാങ്ങാമ്പറയ…! ”

ചിന്തകൾക്കൊടുവിൽ ദേവകി ഉത്തരം കണ്ടെത്തി അവർക്കുമുന്നിൽ അവതരിപ്പിച്ചു.

” അല്ല… ഈ മനുവാര..? ”
മനീഷ് ചോദിച്ചു

” എന്റെയമ്മാവന്റെ മോനാ…മനുശങ്കർ…എന്റെ ഒരുവയസിന് ഇളയതായവൻ…! ”
അഭിയായിരുന്നു അതിനുത്തരം നൽകിയത്.

” അല്ല അവനെയിങ്ങോട്ട് കൊണ്ടുവന്നിട്ടെന്തിനാ…? ”

രാഗേഷ് തെല്ലൊരു സംശയത്തോടെയായിരുന്നു അത് ചോദിച്ചത്..!

” അവമ്മന്നായിവനെയാരും തൊടൂല. ആക്കാര്യത്തിലെനിക്കുറപ്പാ. അവൻ ഒന്നാന്തരം ബോക്സറാ… ദേ… ഇവിടെയിരിക്കണയെന്റെ പുന്നാരായഭിയുണ്ടല്ലോ അവന്റെയിടികണ്ട് ബോധംകെട്ട് വീണിട്ടുവരെയുണ്ട്..!”

നൈസ് ആയ്ട്ട് അഭികിട്ടൊരു കൊട്ടുകൂടെ കൊടുത്ത് ദേവകിയത് പറഞ്ഞപ്പോ എല്ലാരും ഒരു ചിരിയോടെ അഭിയേ നോക്കി.