രാവണാസുരൻ 2(A Tale of Vengeance ) [രാവണാസുരൻ Rahul] 181

ഏയ് അവളെ ഞാൻ മെരുക്കി എടുത്തോളാം.ഏട്ടാ പോയ കാര്യം എന്തായി? ഷാനു ചോദിച്ചു

തുടങ്ങി ഒരെണ്ണം കഴിഞ്ഞെടി ഇനിയും ബാക്കിയുണ്ട്.വൈകിപ്പിക്കില്ല പെട്ടന്ന് തീർക്കണം എല്ലാം.രാവൺ പറഞ്ഞു

ചേച്ചിയെ കണ്ടോ? ഷാനു ചോദിച്ചു

ഇല്ലടി കണ്ടില്ല പക്ഷെ തൂക്കി.കാണാൻ പോകുമ്പോ പ്രതികരണം എങ്ങനെ ആകും എന്നറിയില്ല.കണ്ടാൽ എന്തായാലും മനസ്സിലാകാൻ വഴിയില്ല.അത്കൊണ്ട് പണിയാണ്.രാവൺ പറഞ്ഞു

ഏട്ടാ സൂക്ഷിക്കണം.ഷാനു പറഞ്ഞു

അതൊക്കെ ഞാൻ നോക്കിക്കോളാം.പിന്നെ ഇന്ദു വന്നിട്ട് എന്ത് പറഞ്ഞു? രാവൺ ചോദിച്ചു

അവള് ഏട്ടൻ പോയെന്ന് അറിഞ്ഞിട്ട് ദേവൂട്ടിയെ കാണാൻ വന്നതാ.വേറൊന്നും പറഞ്ഞില്ല അവിടേയ്ക്ക് തന്നെ തിരിച്ചു പോയി.ഷാനു പറഞ്ഞു

അവളുടെ പിണക്കം ഇനിയും കഴിഞ്ഞില്ലേ.രാവൺ ചോദിച്ചു

അതൊക്കെ എന്താച്ചാ നിങ്ങള് തമ്മിൽ ആയിക്കോ എന്നെ വിട്ടേക്ക്.ഷാനു പറഞ്ഞു

മ്മ്.ദേവൂട്ടിയെ നല്ലോണം നോക്കിക്കോണം.രാവൺ പറഞ്ഞു

അതൊക്കെ ഞാൻ നോക്കിക്കോളാം ഏട്ടൻ അവിടുത്തെ കാര്യങ്ങൾ പെട്ടന്ന് തീർക്കാൻ നോക്ക്.ശരി ഏട്ടാ ഞാൻ വയ്ക്കുവാണേ.എന്ന് പറഞ്ഞു ഷാനു ഫോൺ വച്ചു.

രാവൺ ഫോൺ കട്ട് ചെയ്തിട്ട് നോക്കിയപ്പോ ശ്യാം വായും പൊളിച്ചു നിൽക്കുന്നു.

എന്താടാ? രാവൺ ചോദിച്ചു

കണ്ണാ നിനക്ക് മോളൊക്കെ ആയോ?കല്യാണം കഴിഞ്ഞ കാര്യം ഒന്നും ഹരിയേട്ടനോടോ എന്നോടോ പറഞ്ഞില്ലല്ലോ. ശ്യാം പറഞ്ഞു

അത് വലിയൊരു കഥയാടാ.അത് ഞാൻ സമയംപോലെ പറയാം.