രാവണാസുരൻ 2(A Tale of Vengeance ) [രാവണാസുരൻ Rahul] 181

ശേഖരാ നീ വിഷമിക്കാതെ ഇന്ന് തന്നെ ഞാനും എന്റെ പിള്ളേരും അങ്ങോട്ട് തിരിക്കാം ഏതവനായാലും നമ്മൾ തീർക്കും.
ഞാൻ കാര്യങ്ങൾ അവനെ ഒന്ന് അറിയിക്കട്ടെ ശങ്കർ പറഞ്ഞു.

ഇതേ സമയം ബ്രസീലിൽ ഫോർട്ടലേസ എന്ന നഗരത്തിലെ INACE എന്ന ഷിപ്യാർഡ്.

അവിടേക്കു ഒരു triumph rocket ൽ രണ്ടു ചെറുപ്പക്കാർ വന്നു.വണ്ടി പാർക്ക് ചെയ്തിട്ട് അവിടെ ഒരു ഗേറ്റിന് മുന്നിൽ കുറച്ചു ഗാർഡ്‌സ് തോക്കുമായി നിൽക്കുന്നിടത്തേയ്ക്ക് അവർ പോയി.ഗാർഡ്സിൽ ഒരാൾ അവരെ തടഞ്ഞു നിർത്തി.

എവിടെക്കാ നിങ്ങൾ ഈ ഇടിച്ചുകേറി പോകുന്നത്?അയാൾ ചോദിച്ചു

ലൂഥർ സിൽവസ്റ്റർ ഇല്ലേ?ലൂഥറിനോട് ഡെവിൾസിലെ സ്റ്റാലിൻ വന്നിട്ടുണ്ടെന്ന് പറയ്.അയാളോട് വന്നതിൽ ഒരു ചെറുപ്പക്കാരൻ പറഞ്ഞു.

ഡെവിൾസ്? ആ പേര് കേട്ടപ്പോൾ തന്നെ ഗാർഡിന്റെ ഉള്ളിൽ ഭയം അരിച്ചുകേറി.

സാർ എന്റെ കൂടെ വരു.അതും പറഞ്ഞ് അയാൾ മുന്നിൽ നടന്നു രണ്ടു ചെറുപ്പക്കാരും അയാളെ പിന്തുടർന്നു.
ഷിപ്പിയാർഡുമായി ചേർന്നിരിക്കുന്ന ഒരു കെട്ടിടത്തിലേക്ക് അവർ പ്രവേശിച്ചു ഒരു ഇടുങ്ങിയ വഴിയിലൂടെ നടന്നു രണ്ടു റൂമുകൾ കടന്ന് അവർ ഒരു ഹാളിൽ എത്തി.അത് ഒരു ഫൈവ്സ്റ്റാർ ഹോട്ടലിനു സമാനമായ സജ്ജീകരണങ്ങൾ ഉള്ള ഒരു ഹാൾ ആയിരുന്നു.രണ്ടു ചെറുപ്പക്കാരും ചുറ്റും നോക്കിക്കൊണ്ട് ഗാർഡിനു പിന്നാലെ നടന്നു ഹാളിന്റെ സൈഡിലായി ഒരു സെറ്റിയിൽ ലൂഥർ ഇരിപ്പുണ്ടായിരുന്നു.

അല്ല ഇതാര് സ്റ്റാലിനോ? ഡെവിൾസിൽ എല്ലാവർക്കും സുഖം തന്നെ അല്ലേ സ്റ്റാലിൻ? നിങ്ങടെ കിങ് എന്ത് പറയുന്നു?അല്ല ഇതാരാ നിന്റെ കൂടെ നിനക്ക് ധൈര്യത്തിനു നിന്റെ കിങ് പറഞ്ഞയച്ചതാണോ ഇവനെ? ലൂഥർ ചോദിച്ചു

ലൂഥർ നിനക്കും നിന്റെ സഹോദരൻ കെൽ‌വിനും കിങിന് എതിരായി ഒരു assignment മാർക്കസ് തന്നതായി അറിഞ്ഞല്ലോ?ശരിയാണോ? സ്റ്റാലിൻ ചോദിച്ചു

ശരിയാണ് സ്റ്റാലിൻ.നീയൊക്കെ പറഞ്ഞു പേടിപ്പിക്കുന്നത്പോലെ കിങ് എന്നൊരാൾ ഉണ്ടോ എന്നറിയാൻ ഒരാഗ്രഹം.ലൂഥർ പറഞ്ഞു