രാത്രിയുടെ കാമുകി [വിച്ചൂസ്] 116

“നാണമില്ലെടി കൊച്ചിനെ മാറ്റി കിടത്തി ഇങ്ങനെ പൈസ ഉണ്ടാകാൻ…”

“പിന്നെ ഞാൻ എന്ത് ചെയ്യണം… ഒരുത്തൻ അടിവയറ്റിൽ തന്നിട്ട് പോയ സമ്മാനമാണ്…ഇയാളുടെ കൈയിൽ ഇരിക്കുന്നത്..

അവനു ഒരു നേരം ഭക്ഷണം കൊടുക്കാൻ ആണ് ഞാൻ ഈ രാത്രിയിലും… എന്റെ തുണി അഴിച്ചത്…. എന്റെ മാറിൽ നിന്നു ഇനി അവനു കൊടുക്കാൻ ചോര മാത്രമേയുള്ളു…”

എനിക്ക് എന്ത് പറയണമെന്നു അറിയില്ല ഒരുതരം മരവിപ്പ്….അപ്പോഴും കുഞ്ഞ് കരയുന്നുണ്ടായിരുന്നു….

“നീ വാ..”

“എന്തിനാ സാറേ പോലീസിൽ ഏല്പിക്കാൻ ആണോ.. ”

“അതിനു അല്ല നീ കൂടെ വാ ”

ഞാൻ അവരെയും കൊണ്ട് ഒരു തട്ടുകടക്കു മുന്നിൽ എത്തി അവൾക്കു ഭക്ഷണവും കുഞ്ഞിന് പാലും മേടിച്ചു കൊടുത്തു…

അവൾ കഴിച്ചു കഴിഞ്ഞു എന്നെ നോക്കി…

“കുറച്ചു കാശ് ഉണ്ട് നീ വച്ചോ… “