രാജവ്യൂഹം 2 [നന്ദൻ] 1051

രണ്ടു സൈഡിലും വലിയ കൽ തൂണുകൾ ഉള്ള പോർച്ചിലെക് അരവിന്ദൻ കാർ കൊണ്ട് നിർത്തി.. ഡോർ തുറന്നതും രണ്ടു പേർ കാറിന് അരികിലേക് വന്നു… കറുത്ത t ഷർട്ടും കറുത്ത ജീൻസും ധരിച്ച രണ്ടു അജാനു ബഹുക്കൾ അവരുടെ നെഞ്ചിലെയും കയ്യിലെയും മസിലുകൾ അവർ നടക്കുന്നതിനനുസരിച്ചു പിടച്ചു കൊണ്ടിരുന്നു..

……

അരവിന്ദൻ കാർ നിർത്തി ഇറങ്ങിയതും… കുറച്ചു മാറിയുള്ള ഒരു ഗേറ്റിലൂടെ ഒന്നിന് പുറകെ ഒന്നായി കുറെ വാഹനങ്ങൾ പൊടി പറത്തി കൊണ്ട് വന്നു നിർത്തി…..വീടിന്റെ ഉള്ളിലേക്കു കയറാൻ മറ്റൊരു ഗേറ്റും കൂടെ ഉണ്ടെന്നു അരവിന്ദനു മനസ്സിലായി രണ്ടു നിമിഷം എടുത്തു പൊടി പടലങ്ങൾ മാറി മുന്പിലെ കാഴ്ച   ക്ലിയർ ആവാനായി… ഏറ്റവും മുന്പിൽ വന്നു നിന്ന ജീപ്പിൽ നിന്നും രണ്ടു പേർ ചേർന്ന് ആരെയോ വലിച്ചിറക്കുന്നത് കണ്ടു… ഒരു വൃദ്ധനും ഒരു ചെറുപ്പക്കാരനും.. അടുത്ത വണ്ടിയിൽ നിന്നു ഒരു പെൺ കുട്ടിയേയും വലിച്ചിറക്കുന്നതു കണ്ടു.. പെൺകുട്ടി അലറി കരയുന്നുണ്ട്… പെൺ കുട്ടിയെ ഇറക്കിയപ്പോളേക്കും കുറച്ചു ദൂരെ മാറി പാർക്കു ചെയ്തിരുന്ന വാഹനങ്ങളിൽ നിന്നു ആരൊക്കെയോ ഇറങ്ങി ആ പെൺകുട്ടിയുടെ അടുത്തേക് ഓടി അടുക്കുന്നത് കണ്ടു… പെൺകുട്ടി അവരെ കണ്ടു ഭയന്നിട്ടെന്ന പോലെ അവളെ പിടിച്ചിരുന്ന തടി മാടൻ മാരിൽ നിന്നു കുതറുന്നുമുണ്ട് 

ചെറുപ്പക്കാരനെ നിലത്തൂടെ വലിച്ചിഴച്ചു കൊണ്ട് വന്നവൻ ആ ചെറുപ്പക്കാരനെ മുന്നോട്ട് വലിച്ചെറിയുന്നത് കണ്ട് അരവിന്ദൻ അവിടെക് ഓടി അടുക്കാൻ തുടങ്ങിയതും രണ്ടു പേർ വന്നു അരവിന്ദനെ തടഞ്ഞു..

നിങ്ങൾ അമ്മവെ കാണാൻ വന്നതല്ലേ.. ദാ അതൊരു വിചാരണ ആണ് അത് കഴിഞ്ഞു അമ്മ ഉള്ളിൽ വരും…

തല്ലിയലച്ചു വീണ ആ ചെറുപ്പക്കാരൻ മുന്നിലോട്ടു ദയനീയ മായി നോക്കുന്ന പോലെ അരവിന്ദനു തോന്നി

“അയ്യോ എന്റെ മോനെ ഒന്നും ചെയ്യല്ലേ “

ആ വൃദ്ധൻ കൈ കൂപ്പി കൊണ്ട് കേണു..

പെൺകുട്ടിയെ കാറിൽ നിന്നിറങ്ങിയവർ പിടിച്ചു വലിച്ചു അവരുടെ കാറിലേക് കൊണ്ട് പോകാൻ ശ്രമിക്കുന്നുണ്ട്..