യുദ്ധം [ Vishnu ] 117

“മേ ഐ കം ഇൻ സർ..”

അത് കേട്ടപ്പോൾ ആണ് അവിടെയുള്ള ചീഫ് എഡിറ്റർ തമിഴനായ മുത്തുസ്വാമി അവളെ നോക്കിയത്…

“യെസ്…”

അത് കേട്ടയുടൻ അവൾ അകത്തു കയറി അവളുടെ അപ്പോയന്റ്‌മെന്റ് ലെറ്റർ നൽകി..

“അപ്പോൾ ഇനി മുതൽ ഇവിടെ ആണല്ലേ…”അതും പറഞ്ഞു അയാൾ ചിരിച്ചു..

അവളും ഒരു ചിരി പാസാക്കി..

“എന്തായാലും ആദ്യത്തെ വർക് തന്നെ നല്ലൊരു വർക് തരാം..ഇപ്പോൾ ഇവിടെ നടന്നുകൊണ്ടിരിക്കുന്ന കൂട്ട കൊലപാതകങ്ങൾ ..അതിനെപ്പറ്റി ഒരു ഡീറ്റൈൽഡ് റിപ്പോർട്ട്..അടുത്ത ആഴ്ച ഉള്ള വീക്കിലി പേപ്പറിൽ പബ്ലിഷ് ചെയ്യാൻ വേണ്ടിയാണ്…”

അത് കേട്ട അവൾ ഞെട്ടി…

“സർ..മർഡർ ടോപിക് ഒക്കെ ഞാൻ അങ്ങനെ ചെയ്യാറില്ല..”

അത് കേട്ടതും അയാൾ ചിരിച്ചു..

“എഡോ ഇങ്ങനെ ആണ് പഠിക്കേണ്ടത്…അറിയുമോ..ഇന്ന് ഈ നാട്ടിൽ എല്ലാവരും പേടിച്ചു ഇരിക്കുവാണ്..ഒരാൾക്കും സ്വസ്ഥമായി പുറത്ത് ഇറങ്ങാൻ പറ്റുന്നില്ല..