യക്ഷിയും ഡ്രാക്കുളയും [ചാണക്യൻ] 87

നോക്ക് മമ്മ എന്തു വലിയ വീടാണല്ലേ?

ഏഴിലം പാലയുടെ തുഞ്ചത്തേക്ക് നോക്കിക്കൊണ്ട് അത്ഭുതത്തോടെ റോബർട്ട്‌ പറഞ്ഞു.

അതെയതെ…… എന്തു വലിയ വീടാ…… അതിന്റെ മണ്ടയ്ക്ക് കേറിയാൽ ഈ ജില്ല മൊത്തം കാണാം….. പെണ്ണു വീട്ടുകാർ ആഢ്യത്വം ഉള്ളവർ തന്നെ….. ഒപ്പം സമ്പന്നരും.

മമ്മയ്ക്ക് വല്ലാതെ കുളിരു കോരി.

ഹിമ കണങ്ങളാൽ പൊതിഞ്ഞ പോലെ പാലപ്പൂകളാൽ സമൃദ്ധമായ ഏഴിലം പാലയെ നോക്കികൊണ്ട് ഇരിക്കുകയായിരുന്നു അവർ മൂവരും.

അവർ തമ്മിൽ സംസാരിച്ചുകൊണ്ടിരിക്കെ മധ്യവയസ്കനായ ഒരാൾ വെളുത്ത മുണ്ടും ഷർട്ടും ധരിച്ചുകൊണ്ട് പാലമരത്തിൽ നിന്നും ഇറങ്ങി വന്നു.

ആരാ മനസിലായില്ല?

അയാൾ ആഗതരെ നോക്കി മൊഴിഞ്ഞു.

ഞങ്ങള് പെണ്ണു കാണാൻ വന്നതാ.

ആണോ….. എങ്കിൽ വരൂ….. ഞാൻ പെണ്ണിന്റെ അച്ഛനാ

അവരെ നോക്കി അയാൾ ചിരിയോടെ കൈകൂപ്പി.

ശേഷം അയാൾ പാലമരത്തിലേക് വലിഞ്ഞു കേറി.

ഒപ്പം റോബർട്ടും പപ്പയും മമ്മിയും പിന്നാലെ പാലയുടെ തുഞ്ചത്തിലേക്ക് വലിഞ്ഞു കയറി.

അവിടെ കണ്ട മൂന്നു ശിഖരങ്ങളുടെ പുറത്തു അവർ ഉപവിഷ്ടരായി.

മരത്തിൽ വലിഞ്ഞ് കയറിയത്തിന്റെ ക്ഷീണം കൊണ്ട് റോബർട്ട്‌ നന്നേ അണക്കുന്നുണ്ടായിരുന്നു.

നീലി പെണ്ണിന്റെ അച്ഛൻ അവരെ സാകൂതം നോക്കുകയായിരുന്നു.