യക്ഷിയും ഡ്രാക്കുളയും

Author : ചാണക്യൻ

ഈ കഥ പക്കാ ഒരു കോമഡി എന്റർടൈൻമെന്റ് മോഡിൽ ആണുള്ളത്.

എല്ലാവർക്കും ഇഷ്ട്ടമാകുമെന്ന് കരുതുന്നു.

ഒരു യക്ഷിയെ പെണ്ണു കാണാൻ പോകുന്ന ഡ്രാക്കുളയുടെ ജീവിതത്തിൽ സംഭവിച്ച ഒരേട് ആണിത്.

അപ്പൊ കഥയിലേക്ക് കടന്നോളുട്ടോ ?
.
.
.
.
.
നേരം രാവിലെ 10 മണിയോട് അടുത്തിരിക്കുന്നു.

ആ യക്ഷിക്കാവിലാകെ ഇളം വെയിൽ പരന്നിട്ടുണ്ട്.

ഒരു കുഞ്ഞു മന്ദമാരുതൻ ആ കാവിനെ തഴുകി തലോടിക്കൊണ്ട് കടന്നു പോയി.

ഏതോ ഒരു ഉൾവനത്തിലെ നീർ ചോലയോട് ചേർന്നാണ് ആ യക്ഷിക്കാവ് സ്ഥിതി ചെയ്യുന്നത്.

ആ ചോലയുടെ കളകളാരവം ആ യക്ഷിക്കാവിനെയാകെ പുളകം കൊള്ളിക്കുന്നു.

യക്ഷിക്കാവിൽ നിന്നും വെളിയിലേക്ക് ബഹിർഗമിക്കുന്ന കാറ്റിനു പോലും പാലപ്പൂക്കളുടെ മദിപ്പിക്കുന്ന വാസനയാണ്.

യക്ഷിക്കാവിലെ ഏഴിലം പാലയുടെ ചുവട് കൊഴിഞ്ഞു വീണ പാലപ്പൂക്കളാൽ സമൃദ്ധമാണ്.

മണ്ണിനു മീതെ ശയിക്കുന്ന പാലപ്പൂക്കളുടെ വാസന അവിടമാകെ വ്യാപിച്ചിരിക്കുന്നു.

മെത്ത പോലെ കിടക്കുന്ന ആ പൂക്കൾക്ക് മുകളിലൂടെ കിന്നാരിച്ചു നടക്കുന്ന രണ്ടിണ കിളികളെ കാണാം.

അവ പരസ്പരം കിന്നാരം പറഞ്ഞുല്ലസിച്ചു കൊണ്ട് മണ്ണിലൂടെ ചാടി ചാടി നടക്കുന്നു.

പൊടുന്നനെ ആ കാവിന് മുന്നിലായി മൂന്നു മനുഷ്യരൂപികൾ പ്രത്യക്ഷപ്പെട്ടു.

അതിൽ രണ്ടു പേർ മധ്യവയസ്കരായ സ്ത്രീയും പുരുഷനുമായിരുന്നു.