മാന്ത്രികലോകം 3 [Cyril] 2317

ഞാൻ പറഞ്ഞു കഴിഞ്ഞതും ഞാൻ എന്തോ തമാശ പറഞ്ഞത് പോലെ എല്ലാവരും എന്നെ നോക്കി ചിരിച്ചു.

സുല്‍ത്താന്‍ എന്നെ അളക്കുന്നത് പോലെ നോക്കി…. എന്നോട് എന്തോ പറയാൻ വാ തുറന്നിട്ട് പെട്ടന്ന് അടക്കുകയും ചെയ്തു. എന്നിട്ട് അവന്‍ മിഴി കൂറ്പ്പിച്ചു കൊണ്ട് കാട്ടിലേക്ക് നോക്കി പറഞ്ഞു —,

“നമ്മുടെ ലോകത്ത് രണ്ട് നിലാവ് ഉണ്ട്…. പക്ഷേ ഈ ലോകത്ത് ഒരു നിലാവ് എങ്കിലും ഉണ്ടായിരുന്നെങ്കില്‍ അതിന്റെ വെളിച്ചത്തിന്റെ സഹായത്തോടെ നമുക്ക് വലിയ ബുദ്ധിമുട്ട് കൂടാതെ സഞ്ചരിക്കാന്‍ കഴിഞ്ഞേനെ…….”

പിന്നേ മറ്റുള്ളവരും അവരവരുടെ അഭിപ്രായങ്ങള്‍ പറയാൻ തുടങ്ങി.

ഇതെല്ലാം കേട്ട് ഞാൻ വായും പൊളിച്ചു നിന്നു. കാരണം…. ആകാശത്ത് മങ്ങിയ ചുവന്ന വെട്ടം പരത്തുന്ന ചന്ദ്രനെ ആര്‍ക്കും കാണാന്‍ കഴിയാത്ത പോലെയായിരുന്നു അവർ സംസാരിച്ചത്.

ഞാൻ നേരത്തെ പറഞ്ഞത് ആരും കാര്യമായി എടുത്തില്ല എന്നത് എന്നെ ദേഷ്യപെടുത്തി.
*************

ദനീർ

ആ ഭീതിയുടെ ഗുഹയില്‍ പോയിട്ട് വന്നതിന് ശേഷമാണ് ഫ്രെന്നിന് എന്തെല്ലാമോ മാറ്റങ്ങൾ സംഭവിച്ചത് പോലെ ഞങ്ങൾക്ക് തോന്നി തുടങ്ങിയത്.

പതിവില്ലാതെ എല്ലാവരോടും അവന്‍ പെട്ടന്ന് ദേഷ്യം പ്രകടിപ്പിക്കാന്‍ തുടങ്ങിയിരിക്കുന്നു.

ഇപ്പോഴും അവന്റെ മുഖത്ത് നല്ല ദേഷ്യം പ്രകടമായിരുന്നു.

കുറച്ച് മുമ്പ്‌ അവന്‍ പറഞ്ഞ കഥ കേട്ട് അവന്റെ മാനസികാവസ്ഥ എനിക്ക് മനസ്സിലാക്കാൻ കഴിഞ്ഞു….. എന്നിരുന്നാലും എനിക്ക് അവനോട് ദേഷ്യം തോന്നി — ഒഷേദ്രസിന്റെ പിടിയില്‍ അവന്‍ ചെന്ന് വീണു എന്ന ദേഷ്യം ആയിരുന്നു എനിക്ക്.

“അപ്പോ ആകാശത്ത് കാണുന്ന ആ ചുവന്ന ചന്ദ്രൻ പ്രകാശം പരത്തുന്നില്ല എന്നാണോ നിങ്ങൾ പറയുന്നത്….?” ഫ്രെൻ ദേഷ്യവും അദ്ഭുതവും കലര്‍ന്ന സ്വരത്തില്‍ ചോദിച്ചു.

ഉടനെ ഞങ്ങൾ എല്ലാവരും മുഖം ചുളിച്ചു കൊണ്ട് ആകാശത്തും അവനെയും മാറിമാറി സംശയത്തോടെ നോക്കി.

അവന്‍ ഏതു ചന്ദ്രനെ കുറിച്ചാണ് സംസാരിക്കുന്നതെന്ന് എനിക്ക് മനസ്സിലായില്ല. മറ്റുള്ളവരുടെ മിഴിച്ചുള്ള നോട്ടം കണ്ടപ്പോൾ അവര്‍ക്കും അവന്‍ പറഞ്ഞ ആ ചന്ദ്രനെ കാണാന്‍ കഴിഞ്ഞില്ല എന്നെനിക്ക് മനസ്സിലായി.

ഉടനെ ഒരു കാര്യം കൂടി എനിക്ക് വ്യക്തമായി — പല സമയങ്ങളിലായി ഫ്രെന്നിന് മാത്രം കാണാന്‍ കഴിഞ്ഞ കാര്യങ്ങളില്‍ ഈ ചുവന്ന ചന്ദ്രനും ഇപ്പോൾ ഉള്‍പ്പെട്ടു എന്ന സത്യമാണ് എനിക്കിപ്പോള്‍ മനസ്സിലായത്.

അവന്‍ പറയുന്നത് എല്ലാം എനിക്ക് വിശ്വാസമാണ്, പക്ഷേ അവന്‍ കാണിച്ച് തരുന്നതും പറയുന്നതും പലപ്പോഴും എനിക്ക് കാണാന്‍ കഴിയാത്തതിനെ വരുമ്പോൾ ആണ് എല്ലാം ഞാൻ ചിന്താകുഴപ്പത്തിൽ വീഴുന്നത്.