ബ്രോസ്, ഭ്രാന്ത് തന്ന തെറി വിളിയും സെന്റിയും മാറ്റാൻ ഒരു കുഞ്ഞു കഥ…

പിന്നെ ഇതിന്റെ ആശയം നൽകിയത് ഏറെക്കാലം ആയി ബന്ധം ഇല്ലാത്ത ഒരു സുഹൃത്ത് ആണ്… ആളെ സ്മരിക്കുന്നു….

♥️♥️♥️♥️

മഞ്ഞു പോലൊരു പെൺകുട്ടി

Manju Poloru Penkutty | Author : Pravasi

♥️♥️♥️♥️

View post on imgur.com

“എണീക്ക് മോളെ. എന്നെ വിട്ടിട്ടും വന്നു കിടക്കാമല്ലോ”

“ഇതെന്തൊരു ശല്യാ.. സാധനം.”
ഗതികെട്ട അവൾ ബ്ളാങ്കറ്റ് മാറ്റി.. വയറിൽ നിന്നും മേലേക്ക് ചുരുണ്ടു കയറിയ ടീഷർട്ട് നേരെ ഇട്ടു ബെഡിൽ തന്നെ എണീറ്റിരുന്നു. രണ്ടു കയും മുകളിലേക്ക് ഉയർത്തി മൂരിനിവർത്തി കോട്ടുവായിട്ടു..

അവൻ അവിടെ തന്നെ നിൽക്കുന്ന കണ്ട അവൾ കൈ ഉയർത്തി മുടി വാരികെട്ടി അവനെ നോക്കി പുഞ്ചിരിച്ചുകൊണ്ട് ചോദിച്ചു

“വല്ല കാര്യോമുണ്ടോ ഇങ്ങനെ എന്നെ വായ് നോക്കി നിൽക്കണ്ട????”

ഒരു നിമിഷം എന്റെ മുഖം ഒന്ന് മങ്ങിയെങ്കിലും പെട്ടെന്ന് അത് കാണിക്കാതെ തിരിഞ്ഞു കൊണ്ട് ഞാൻ പറഞ്ഞു.

“പത്തു മിനിറ്റ് തരും. അതിനുള്ളിൽ റെഡി ആയി താഴെ വന്നില്ലേൽ..”

“എന്നാ ഏട്ടൻ പോയി പത്തു മിനിറ്റ് കഴിഞ്ഞു വായോ. ഞാൻ ഫ്രഷ് ആവട്ടെ.”

അതെന്റെ പെങ്ങൾ ആണുട്ടോ ശില്പ ഞങ്ങളുടെ ചിപ്പി. എനിക്ക് മുപ്പതു വയസ്സുണ്ട്… ചിപ്പിക്ക് പത്തൊൻപതും.. ചിപ്പി അഡോപ്റ്റഡ് ആണ്.എങ്കിലും അവളാണ് വീട്ടിലെ താരം.

അച്ഛൻ നടത്തിവന്ന ബിസിനസ് ഞാൻ ഏറ്റെടുത്തത്തോടെ വച്ചടി കയറ്റമായി.

അച്ഛനെ ഇന്നും പേടി ആണ് എല്ലാർക്കും. എനിക്കടക്കം..