പ്രേമം ❤️ [Vishnu ] 358

                       പ്രേമം EP 01

രാവിലെതന്നെ നിർത്താതെ അലാറം അടിക്കുന്നുണ്ട്…എന്നാൽ എഴുന്നേൽകാനും മടി…ഞാൻ എഴുന്നേറ്റു അലാറം കുറച്ചുകൂടി കൂട്ടിവച്ചു… എന്നാൽ അതിനു വലിയ ആയുസ്സ് ഉണ്ടായിരുനില…എന്റെ പെങ്ങൾ മുറിയിലേക്ക് കയറി വന്നതും എന്റെ നെഞ്ചിൽ തന്നെ അവൾ കയറി ഇരുന്നു..

 

“ഏട്ടാ എഴുന്നേൽക്...വാ..”

 

അവൾ എന്റെ നെഞ്ചിൽ ഇരുന്നുകൊണ്ട് പറഞ്ഞു..

 

“ചിന്നുകുട്ടി…പ്ലീസ് …കുറച്ചുകൂടി ഉറങ്ങിക്കോട്ടെ…”

 

അത് കേട്ട അവൾ രണ്ടു ഉണ്ടക്കണ്ണുകളും ഉരുട്ടി എന്നെ നോക്കി..

 

“ചിന്നു …ആകെ ഇനി ഇന്ന് കൂടിയല്ലേ  ഉള്ളു…പിന്നെ ഇങ്ങനെ ഉറങ്ങാനും പറ്റില്ല…എന്റെ മുത്തല്ലേ..”

 

അത് കേട്ട അവൾ എന്നെ നോക്കി..

 

ശേഷം എന്റെ മുകളിൽ നിന്നും ഇറങ്ങിപ്പോയി…

 

അത് സമ്മതം ആയിരുന്നു..എത്ര നേരം വേണമെങ്കിലും ഉറങ്ങാൻ ഉള്ള സമ്മതം..അപ്പോഴാണ് താഴെ ഫോൺ അടിക്കുന്ന ശബ്ദം പിന്നെയും കേട്ടത്..

 

പിന്നെ ഒന്നും നോക്കിയില്ല..നേരെ താഴേക്ക് വിട്ടു…ഫോൺ നിർത്താതെ അടിക്കുന്നുണ്ട്….ഞാൻ വേഗം തന്നെ ഫോൺ എടുത്തു..

 

“എടാ ശവമേ നീ എവിടെ പോയി കിടക്കുവാ..മാച്ച് ഉണ്ട്..നീ വേഗം ഒന്ന് വന്നേ…”

 

അത് കേട്ടയുടൻ ഫോണും വച്ച് നേരെ കുളിമുറിയിലേക്ക് ഓടി..പല്ലു തേക്കാൻ… പല്ലും തേച്ചു കളിക്കാൻ ഉള്ള ഡ്രെസ്സും ഇട്ടു ബൂട്ടും എടുത്തു ഇറങ്ങാൻ നോക്കുമ്പോഴാണ് പുറകിൽ നിന്നും വിളി..

2