പ്രേമം ❤️ EP: 02

 

                     | Previous part |

 

അപ്പോഴാണ് ഹരീഷ് നമ്മുടെ ക്ലാസ്സിലേക്ക് വന്നത്..

 

അവൻ വേഗം കയറി എന്റെ മുന്നിൽ ഉള്ള സീറ്റിൽ ഇരുന്നു..

 

“എടാ നീ അല്ലെ കമേഴ്‌സിൽ പോയത്..”

 

“എടാ അത് വേറെ ഏതോ ഹരീഷ് ആഹ്‌ടാ..അച്ഛന്റെ പേരൊക്കെ ചോദിച്ചപ്പോൾ അല്ലെ കാര്യം മനസ്സിലായത്…”

 

അപ്പോഴേക്ക് ടീച്ചർ ഓരോരുത്തരെ ആയി പരിചയപ്പെടാൻ തുടങ്ങി…അങ്ങനെ ഹരീഷിന്റെ അടുത്തെത്തി അവൻ എഴുന്നേറ്റപ്പോൾ ആണ് മേയ് ഐ കം ഇൻ മിസ്സ്‌ എന്നൊരു കിളി നാദം ഞാൻ കേട്ടത്..

 

ഹരീഷിനെ നീക്കികൊണ്ടു ഞാൻ ആ ശബ്ദത്തെ തേടി വാതിലിലേക്ക് നോക്കിയപ്പോഴാണ് അത് കിളി നാദമല്ല അത് യക്ഷിയുടെ നാദം ആണെന്ന്…

 

വന്ന ആളെ കണ്ടതും ഞാൻ രാഗേന്ദുവിനെ നോക്കി…അതേ ഇതായിരുന്നു അവൾ പറഞ്ഞ അപകടം…അഖിലും ഹരീഷും ആനന്ദും സിധുവും എന്നെ നോക്കി…ആനന്ദ് അവന്റെ കവിളിൽ പതിയെ തലോടി…ആ പഴയ ഓർമയിൽ..

 

വന്ന ആളുടെ പുറകെ തന്നെ വേറെ ഒരുത്തനും കയറി.. അപ്പോഴാണ് മനസ്സിലായത് കാലനും യക്ഷിയും കൂടെ ഒരുമിച്ചാണ് വന്നതെന്ന്…വന്നവർ എന്നെ കണ്ടിരുന്നില്ല…

 

എന്നാൽ എനിക്ക് മനസ്സിലായി…ഇത് എന്നെയും കൊണ്ടേ പോകു എന്ന കാര്യം..

 

***************************************************

 

ഫോൺ അടിക്കുന്ന ശബ്ദം കേട്ടാണ് എന്റെ കണ്ണുകൾ തുറന്നത്…തലേന്ന് രാത്രി പതിവിനു വിപരീതമായി നന്നായി ഓഫ് ആയിരുന്നു..അതുകൊണ്ട് തലയ്ക്ക് അടി കിട്ടിയതുപോലെ വേദന ഉണ്ട്..

1