പ്രണയിനി 5 [The_Wolverine] 1363

ഇല്ലല്ലോ,      ഇനി അവളെ എപ്പോൾ കാണാനാണ്.      അങ്ങനെ ഓരോന്ന് സംസാരിച്ച് നിൽക്കുമ്പോൾ ബെൽ അടിച്ചു ഞങ്ങൾ അകത്ത് കേറി ഞങ്ങടെ ബെഞ്ചിൽ ഇരുന്നു.      First Period ന്റെ ബെൽ അടിച്ചപ്പോൾ ടീച്ചർ ക്ലാസ്സിൽ വന്നു ശേഷം Attendance എടുക്കാൻ ആരംഭിച്ചു പതിവുപോലെ സൗമ്യ ടീച്ചർ തന്നെയാണ് First Period എടുക്കുന്നത് പുള്ളിക്കാരി ഞങ്ങളുടെ ക്ലാസ്സ്‌ ടീച്ചർ കൂടിയാണ്.      Attendance എടുത്ത് എന്റെ പേര് വന്നപ്പോൾ എനിക്ക് ഒരു “Congrats” പറയാനും ടീച്ചർ മറന്നില്ല.      പതിവുപോലെ തന്നെ ക്ലാസ്സ്‌ തുടങ്ങി കുറച്ച് ആയപ്പോൾ ചുമ്മാ ഒന്ന് തലവെട്ടിച്ച് അശ്വതി ഇരിക്കുന്ന ബെഞ്ചിലേക്ക് നോക്കി അവൾ ക്ലാസ്സിൽ ശ്രദ്ധിച്ച് ഇരിക്കുവായിരുന്നു.      അവളിൽ നിന്ന് നോട്ടം മാറ്റുന്നതിനിടെയാണ് അവൾ ഇരിക്കുന്നതിന് മുൻപിൽ ഉള്ള ബെഞ്ചിലേക്ക് എന്റെ ശ്രദ്ധ പോയത്,      ആ ബെഞ്ചിൽ ഇരിക്കുന്ന ഒരു പെൺകുട്ടി മാത്രം കളർ ഡ്രസ്സ്‌ ഇട്ടിരിക്കുന്നു മുൻപിലോട്ട് നോക്കി ഇരിക്കുന്നതിനാലും ബെഞ്ചിന്റെ അങ്ങേ മൂലക്ക് ഇരിക്കുന്നതിനാലും അത് ആരാണ് ഇരിക്കുന്നതെന്ന് എനിക്ക് മനസ്സിലായില്ല.      ഇനി ഇന്ന് ആ കുട്ടിയുടെ Birthday ആയിരിക്കുമോ എന്ന് ഓർത്തു അതായിരിക്കും കളർ ഡ്രസ്സ്‌ ഇട്ടിരിക്കുന്നത് എന്ന് ഞാൻ ചിന്തിച്ചു.      അങ്ങനെ അവളെ നോക്കി ഇരിക്കുമ്പോൾ ആണ് പെട്ടെന്ന് അവൾ ഒന്ന് തിരിഞ്ഞ് നോക്കിയത് അവളെ കണ്ടപ്പോൾ എന്റെ കണ്ണ് അത്ഭുതം കൊണ്ട് വിടർന്നു ഞാൻ വീണ്ടും കാണാൻ ആഗ്രഹിച്ച ആ മുഖം എന്റെ രാജി ആയിരുന്നു അത്.      അവളെ നോക്കി വാപൊളിച്ച് ഇരിക്കുന്ന എന്റെ പുറത്ത് നല്ലൊരു അടി കിട്ടിയപ്പോൾ ആണ് ഞാൻ സ്വബോധത്തിലേക്ക് വന്നത്.      പുറം ഒന്ന് തടവി തിരിഞ്ഞ് നോക്കിയപ്പോൾ മൂന്നുപേരും എന്നെ നോക്കി ചിരിക്കുകയാണ്.

“നിനക്കൊക്കെ ഞാൻ വെച്ചിട്ടുണ്ടെടാ പട്ടികളെ”

എന്ന് അവന്മാരോടായി പറഞ്ഞ് തിരിഞ്ഞ് അവളെ നോക്കിയപ്പോൾ പെണ്ണ് വാ പൊത്തി ചിരിക്കുന്നതാണ് കണ്ടത്.      അത് കണ്ടപ്പോൾ എനിക്കും ചിരി വന്നു,      ഞാൻ ചിരിക്കുന്നത് കണ്ട് എന്താണെന്ന് ഉദ്ദേശിച്ച് അവൾ പുരികം ഉയർത്തി കാണിച്ചു,      ഒന്നും ഇല്ല എന്ന ഭാവത്തിൽ ഞാൻ രണ്ട് കണ്ണും അടച്ച് കാണിച്ചു,      പെട്ടെന്ന് അവൾ ക്ലാസ്സിൽ ശ്രദ്ധിച്ചിരിക്കാൻ കണ്ണ് കൊണ്ട് ആംഗ്യം കാണിച്ചു എന്നിട്ട് മുൻപിലേക്ക് നോക്കി ഇരുന്നു.      എനിക്ക് എന്തോ വല്ലാത്ത സന്തോഷം തോന്നി എന്നാലും അവന്മാർ എന്നോട് ഒന്നും പറയാതിരുന്നത് എന്താ.? ചിലപ്പോൾ ഒരു സർപ്രൈസ് തരാൻ ആയിരിക്കും രാവിലെ ചോദിച്ചപ്പോഴും ഒളിച്ച് കളിച്ചത്,      പക്ഷെ Attendance എടുത്തപ്പോഴും അവളുടെ പേര് വിളിച്ചില്ല.      എന്തായാലും ബ്രേക്കിന്റെ സമയത്ത് അവളോട് തന്നെ സംസാരിച്ച് മനസ്സിലാക്കാം എന്ന് ഞാൻ കരുതി.      പെട്ടന്ന് എന്തോ തോന്നി അശ്വതിയെ നോക്കിയപ്പോൾ കലങ്ങിയ കണ്ണുകളോടെ അവൾ എന്നെ നോക്കി ദഹിപ്പിക്കുവാണ്.      ഞാൻ പെട്ടെന്ന് തന്നെ നോട്ടം മാറ്റി ക്ലാസ്സിൽ ശ്രദ്ധിച്ച് ഇരുന്നു.      ഇവൾക്ക് ഇത് എന്ത് പറ്റി എന്ന് ഞാൻ ചിന്തിച്ചു,      ആവോ എന്തെങ്കിലും ആകട്ടെ എന്ന് ഞാൻ ഓർത്തു.      ഇന്റർവെലിന് ഉള്ള ബെൽ മുഴങ്ങിയപ്പോൾ തന്നെ ഞാൻ എണീറ്റ് രാജിയുടെ അടുത്തേക്ക് നടന്നു.      ഞാൻ അവളുടെ അടുത്തേക്ക് നടക്കുന്നത് കണ്ടപ്പോൾ തന്നെ അവൾ എന്റെ അടുത്തേക്കും വന്നു,      പെട്ടെന്ന് എന്റെ കയ്യിൽ ആരോ ബലമായി പിടിച്ച് വലിക്കുന്നതായി തോന്നി പെട്ടെന്ന് ഞാൻ തിരിഞ്ഞപ്പോൾ അശ്വതി ആയിരുന്നു അത് അവൾ എന്റെ കയ്യിൽ പിടിച്ച് വലിച്ചുകൊണ്ട് പുറത്തേക്ക് നടന്നു.      എല്ലാവരും ഞങ്ങളെ നോക്കുന്നുണ്ടായിരുന്നു എനിക്ക് എന്റെ കയ്യിലുള്ള അവളുടെ പിടുത്തം വിടീക്കുവാൻ കഴിഞ്ഞില്ല അത്ര ബലത്തിൽ ആണ് അവൾ പിടിച്ചിരുന്നത്.      പോകുന്ന വഴി ഞാൻ തിരിഞ്ഞ് നോക്കിയപ്പോൾ മൂന്നങ്ക സംഘത്തോടൊപ്പം രാജിയും ക്ലാസ്സിന് വെളിയിൽ വന്ന് ഞങ്ങളെ നോക്കി നിൽക്കുവാണ്,      അവൾ അവന്മാരോട് എന്തോ ചോദിക്കുന്നുണ്ട്.      അശ്വതി വളരെ വേഗത്തിൽ തന്നെ എന്നെയും വലിച്ച് കൊണ്ടുപോയി ഗ്രൗണ്ടിനടുത്തുള്ള മാവിൻ ചോട്ടിൽ എത്തി എന്നെ വലിച്ച് അവൾക്ക് അഭിമുഖമായി നിർത്തി.      എനിക്ക് ഒന്നും മനസ്സിലായില്ല അവൾ തന്നെ പറഞ്ഞ് തുടങ്ങി.”