*പ്രണയമഴ…!!?*2 303

അങ്ങനെ രണ്ട് ദിവസം കഴിഞ്ഞു… രാവിലെ പുറപ്പെട്ടാലേ അവിടെ ഉച്ചക്ക് എത്തുകയൊള്ളു… ആവിശ്യമുള്ള സാധനങ്ങൾ എല്ലാം കാറിൽ കയറ്റി അച്ഛനോടും അമ്മയോടും യാത്ര പറഞ്ഞ് വണ്ടി മുന്നോട്ട് എടുത്തു… നീണ്ട ആറ് മണിക്കൂറുകൾ പരസ്പരം ഒന്നും മിണ്ടാതെ മുന്നോട്ട് പോയി… കാറിൽ നിന്നും പാട്ട് കേൾക്കുന്നുണ്ട്… അറിയാതെ പോലും മാനസി അശ്വിനെ ഒന്ന് നോക്കിയത് പോലും ഇല്ല… പുറത്തേക്കും കണ്ണും നട്ട് അങ്ങനെ ഇരുന്നു…

 

 

അശ്വിന്റെ കണ്ണുകൾ സമ്മതം തേടാതെ ഇടക്കിടക്ക് മാനസിയിൽ എത്തിനിന്നു… ഉള്ളിലെ പ്രണയം അണപൊട്ടി ഒഴുകാൻ തുടങ്ങി… നെറ്റിയിൽ ഒരു സ്നേഹചുംബനം നൽകാൻ ഉള്ളം വല്ലാതെ കൊതിച്ചു…

 

 

_________________________?

 

 

ഫ്ലാറ്റിന് മുന്നിൽ വണ്ടി ചെന്ന് നിന്നു… സെക്യൂരിറ്റിയിൽ നിന്നും റൂമിന്റെ ചാവി വാങ്ങി പാർക്കിങ്ങിൽ വണ്ടി നിർത്തി… ലഗ്ഗെജുകൾ എല്ലാം അശ്വിൻ തന്നെയാണ് എടുത്തത്… ലിഫ്റ്റിൽ കയറി തേർഡ് ഫ്ലോറിലേക്ക് അമർത്തി… മുന്നിൽ പോവുന്ന അശ്വിന്റെ പിറകെ മാനസിയും വെച്ച് പിടിച്ചു… ബാഗുകൾ എല്ലാം താഴെ വെച്ച് അവൻ കതക് തുറന്ന് ബാഗ് എടുത്ത് അകത്തേക്ക് കയറി…

 

 

നല്ല അടുക്കും ചിട്ടയും ഉള്ള വീട്… രണ്ട് മുറികളും ഒരു അടുക്കളയും ഹാളും ഹാളിനോട് ചേർന്ന് ഒരു ബാൽകണിയും…

 

 

“താൻ ആ മുറിയിൽ കിടന്നോളു…” ഒരു മുറി ചൂണ്ടി കാണിച്ച് അവൻ പറഞ്ഞതും കൂടുതൽ സംസാരത്തിന് മുതിരാതെ അവൾ തന്റെ സാധങ്ങൾ എടുത്ത് മുറിയിൽ കയറി കതകടച്ചു… അവൾ പോവുന്നതും നോക്കി അവൻ മനോഹരമായി ഒന്ന് ചിരിച്ചു… വൈകാതെ ചുണ്ടിലെ ചിരി ഒരു കള്ളച്ചിരിയിലേക്ക് വഴിമാറി… കവിളിൽ രൂപപ്പെട്ട ഗർത്തങ്ങൾ അവക്ക് കൂടുതൽ മാറ്റ് കൂട്ടി…

 

 

 

(തുടരും….)

 

മോഡറേഷൻ ഉള്ളതുകൊണ്ട് വലിയ കമെന്റ്സ് ഒഴുവാക്കുക ഓദർസിന് അവരുടെ കഥയിൽ ഇടുന്ന കമെന്റ്സ് മാത്രമേ അപ്പ്രൂവ് ചെയ്യാൻ കഴിയും

ഈ കഥയിൽ ഇടുന്ന കമെന്റ്സ് ഞാൻ അപ്പ്രൂവ് ചെയ്യാൻ ശ്രെമിക്കുന്നുണ്ട് ❤