പിച്ചിച്ചീന്തിയെടുത്ത പ്രണയകഥകൾ (1st Story Climax) [VICKEY WICK] 127

അപ്പൊ എനിക്ക് തോന്നി ആ അടി അവൾക്കു തന്നെ കിട്ടിയാൽ മതിയാരുന്നു എന്ന്. ദേഹത്തിന് ഉണ്ടാകുന്ന വേദനയേക്കാൾ തീവ്രമായത് മനസിനുണ്ടാകുന്ന വേദനയാണെന്ന് മറ്റാരും എനിക്ക് പറഞ്ഞു തരേണ്ട കാര്യം ഉണ്ടായിരുന്നില്ല. അത് അനുദിനം ഞാൻ അനുഭവിച്ച് കൊണ്ടിരിക്കുകയായിരുന്നല്ലോ.

അന്ന് അജീഷ് ബുക്ക്‌ തിരിച്ചു കൊടുത്തപ്പോൾ അവൾ എന്നോട് ഇത് നിന്റെ ഐഡിയ ആണല്ലേ എന്നു ചോദിച്ചപ്പോ, അല്ല എന്ന് വിളിച്ചുപറയാൻ ഞാൻ കൊതിച്ചു. എന്നാൽ ഉള്ളിലൊതുക്കുകയല്ലാതെ വേറെ വഴിയുണ്ടായിരുന്നില്ല.

ആ ശനിയാഴ്ച ഞങ്ങൾ ജോൺസൻ ചേട്ടന്റെ കടയിൽ ചെന്നപ്പോൾ തീരെ പ്രതീക്ഷിക്കാതെയാണ് അവരും വന്നത്. ബാക്കി കാമുകൻമാർക്ക് കാമുകി ചിരിക്കുന്ന കാണാനാണ് ഇഷ്ടം എങ്കിൽ എനിക്ക് അവൾ ചിരിക്കല്ലേ എന്നായിരുന്നു പ്രാർത്ഥന. ചിരിച്ചാൽ കയ്യിന്നു പോകും. സീരിയസ്നെസ്സ് ഒക്കെ പോകും. അവന്മാരുടെ മുൻപിൽ വെച്ചെങ്ങാനും ഇത്‌ പൊളിഞ്ഞാൽ പിന്നെ ജീവിച്ചിരുന്നിട്ട് കാര്യം ഇല്ല

കൂനിന്മേൽ കുരുപോലെ പുളിമുട്ടായിക്കും ഷോർട്ടേജ്. പ്രതീക്ഷിച്ചപോലെ തന്നെ അതും അന്താരാഷ്ട്ര പ്രശ്നമായി വളർന്നു. ഞാൻ അപ്പോഴും റിനുവിനെ നോക്കുകയായിരുന്നു. അവൾ മഞ്ജു കഷ്ടപ്പെടുന്നത് കണ്ട് ചെറിയ വിഷമത്തോടെ നിൽക്കുകയാണ്. അവൾക്കു അറിയാം മഞ്ജു ജയിക്കില്ലെന്നു. അവളും മഞ്ജുവിനെ സഹായിക്കാൻ മുന്നോട്ട് ആഞ്ഞപ്പോഴാണ് ഞാൻ ഇടപെട്ടത്. ഒരുവിധത്തിൽ അവന്മാർക്ക് ഡൗട്ട് അടിക്കാതെ അത് ഡീൽ ചെയ്തു.

തിരികെ വന്നപ്പോ എല്ലാം പുളിമുട്ടായിയും തിന്ന് ഇരിക്കുന്നു. അവർ നാക്കിൽ ഒട്ടിപ്പിടിച്ച പുളിമുട്ടായി നീട്ടി കാണിച്ചപ്പോൾ ദേഷ്യം അഭിനയിച്ച എനിക്ക് സത്യത്തിൽ ചിരിയാണ് വന്നത്. റിനുവും കൂടി അതിൽ പങ്കുചേരുന്നത് കാണാനാണ് അവളോട്‌ പറഞ്ഞത്. പക്ഷെ അവൾ അതിൽ ഒന്ന് പോലും എടുത്തില്ല എന്നത് എന്നെ നിരാശപെടുത്തി. എറിഞ്ഞു കൊടുത്തത് കൊണ്ടാകും. അൽപ്പം കലിപ്പിട്ട് കൈയിൽ തന്നെ കൊടുക്കമായിരുന്നു എന്ന് ഞാൻ ഓർത്തു.