പിച്ചിച്ചീന്തിയെടുത്ത പ്രണയകഥകൾ (1st Story Climax) [VICKEY WICK] 127

 

“പിന്നെ നിന്റെ ബുക്ക്‌ എടുത്ത് മാറ്റിയത് ഷേക്കിന്റെ തന്നെ പ്ലാൻ ആയിരുന്നു. ”

 

 

 

 

“ആണോ, എട ഷേക്ക്‌ അബ്‌ദുല്ലേ… ഹ്മ്മ്… ”

 

 

 

“പോസ്റ്റർ ഒട്ടീരും എന്റെ അറിവോടെ അല്ല കേട്ടോ. ഞാൻ അറിഞ്ഞാൽ സമ്മതിക്കില്ലാരുന്നു. ”

 

 

അതിനു അവൾ ഒന്ന് ചിരിച്ചതെ ഉള്ളു.

 

 

 

“എന്നാലും  ഞാൻ കഷ്ടപ്പെട്ട് ഒപ്പിച്ചു തന്ന പുളിമുട്ടായി ഒരെണ്ണം പോലും നീ എടുത്തില്ലല്ലൊ? ”

 

 

“പിന്നെ എറിഞ്ഞിട്ടു തന്ന സാനം ഞാൻ എടുത്ത് വെച്ച് പൂവിട്ടു പൂജിക്കാം. ”

 

 

 

എന്റെ മുഖം കറുത്തത് കണ്ട് അവൾ ഒരു ചിരിയോടെ പറഞ്ഞു.

 

 

 

“ഏടാ, അവളുമാർ അത് തിന്നതും നാക്കു നീട്ടി കാണിച്ചതും വാശി തീർക്കാനാ. എനിക്ക് അങ്ങനെ ചെയ്യാൻ തോന്നിയില്ല. നീ അത് ചോതിച്ചിട്ട് പോയപ്പോൾ ഞാൻ നോക്കിയത് എന്റെ വലം കൈയിൽ അവളുമാർ കാണാതെ ഞാൻ ഒളിപ്പിച്ച ഒരു പുളിമുട്ടായിലേക്കാണ്. ”

 

 

 

എന്റെ ചുണ്ടുകൾ ഞാൻ പോലും അറിയാതെ ചിരിച്ചു. പെട്ടെന്ന് അവൾ കാണുമല്ലോ എന്ന് കരുതി ഞാൻ എന്റെ സന്തോഷം മറച്ചു.

 

 

 

“എന്നാലും ഞങ്ങളുടെ ശനിയാഴ്ച പദ്ധതി നീയൊക്കെ കൂടെ പൊളിച്ചല്ലോ. അതുമാത്രം വേണ്ടായിരുന്നു. ”

 

 

 

“എന്ത് വേണ്ടായിരുന്നു. എല്ലാം കൂടി കൂടുന്നത് അടുത്ത ബഡ്ജറ്റ് അവതരണത്തിന് ഒന്നും അല്ലല്ലൊ. കള്ളുകുടിക്കാൻ അല്ലെ? നീയൊക്കെ കുടിച് നശിക്കട്ടെന്ന്‌ വെക്കാണാരുന്നോ പിന്നെ? ആ ഓടുവഴിയെങ്ങാനും പെടച്ചു കേറുമ്പോ താഴേക്കു പോയല്ലാത്തെ കാര്യം എന്നേലും നീ ഒക്കെ ചിന്തിച്ചിട്ടുണ്ടോ ഉണ്ടോ? ”

 

 

 

എനിക്ക് അപ്പോൾ നടക്കുന്നത് ഒക്കെ ഒരു തോന്നലാണെന്നു തോന്നിപ്പോയി. എന്റെ അതുവരേക്കും ഉള്ള വലിയൊരു വിഷമം ഇല്ലാതായിരിക്കുന്നു. റിനു അതൊക്കെയും ചെയ്തത് എന്നെ വേദനിപ്പിക്കണം എന്ന് കരുതിയല്ല. അവളുടെ ഉള്ളിൽ എന്നോട് ദേഷ്യവും ഉണ്ടായിരുന്നില്ല.

 

 

മാത്രമല്ല തീരെ പ്രതീക്ഷിക്കാതെ എന്റെ ബാല്യകാല സഖിയെ ഞാൻ ഇതാ വീണ്ടും കണ്ടുമുട്ടിയിരിക്കുന്നു. ഞങ്ങൾ നിമിഷങ്ങൾ കൊണ്ടുതന്നെ വളരെയധികം അടുത്തും കഴിഞ്ഞു. അൽപ്പസമയം ഞങ്ങൾ രണ്ടാളും മിണ്ടിയില്ല. ഒടുവിൽ അവൾ ചോദിച്ചു.