പക്വത [വില്ലി] 465

” ഓഹോ.. എന്നിട്ട് ഇപ്പോൾ ഈ പറഞ്ഞ പക്വതയും. വിവരവും വെളിവും ഒക്കെ ഉണ്ടായോ നിനക്ക്..? ”

” ഉണ്ടായത് കൊണ്ടാണല്ലോ നിന്നെ വേണ്ട എന്ന് ഞാൻ പറഞ്ഞത്.. ”

കാളിയുടെ പൂർണ നിയന്ത്രണവും വിട്ടിരുന്നു… വാക്കുകൾ കൊണ്ടുള്ള പോർ നിർത്തിവച്ചു കലിയിളകിയ കാട്ടുപന്നിയുടെ ശൗര്യത്തോടോ കാളി എന്നിലേക്ക് ഇടിച്ചു കയറി.. സ്നേഹം കൊണ്ട് കുതിച്ചു ചാടി കയറുന്ന ഡോബർമാൻ നായയുടെ കണക്കെ അവളും എന്റെ ദേഹത്തേക്ക് ചാടി കയറി എന്ന് വേണം പറയാൻ.. എന്റെ നില തെറ്റി. കാളിയെ ഒക്കത്തിരുത്തി ഞാൻ തറയിലേക്ക് വീണു.. എന്നിട്ടും കാളിയുടെ കലി അടങ്ങിയില്ല. ആദ്യം കുറെ ചീത്ത വിളികൾ ആയിരുന്നു. പട്ടി,, തെണ്ടിയിൽ തുടങ്ങി മുൻപ് ഞാൻ കെട്ടിട്ടില്ലാത്ത പുതിയ ചീത്തകൾ വരെ അവളുടെ വായിൽ നിന്ന് വീണു കൊണ്ടിരുന്നു.. എന്നിട്ടും മതിയാക്കാതെ അവൾ കൈയൂക്കിന്റെ വഴി തിരഞ്ഞെടുത്തു. ശക്തിയായി ഇരു കൈ കൊണ്ടും അവളെന്റെ നെഞ്ചിലേക്ക് ആഞ്ഞിടിച്ചു. അത് തടുക്കാൻ ഞാൻ ശ്രമിച്ചു കൊണ്ടേ ഇരുന്നു.. ഇപ്പോൾ മുന്നിൽ നിന്ന കുടുംബഗങ്ങൾ ഒഴികെ മറ്റാരു നോക്കിയാലും ശ്വാസം നിലച്ചു പോയ എന്റെ നെഞ്ചിൽ കയറി ഇരുന്നു കൃത്രിമ ശ്വാസത്തോടൊപ്പം നെഞ്ചിൽ അവൾ ആഞ്ചിടിക്കുന്നതയെ തോന്നു.. കാളി അവളുടെ തനി സ്വരൂപം പുറത്തെടുത്തിരുന്നു… ഇനിയും പ്രതികരിക്കാതെ ഇരുന്നാൽ കളി കാര്യം ആകും എന്നൊരു ഉൾവിളി മനസ്സിൽ ഉണ്ടായത് പെട്ടന്ന് ആയിരുന്നു…

” എന്തിനാ എന്നോട് ഇങ്ങനെ കള്ളം പറയുന്നേ . സത്യമായിട്ടും നിനക്ക് എന്നോട് ഇത്തിരി പോലും ഇഷ്ടം ഇല്ലെ…? ”
അവളുടെ ശബ്ദം ഒരു തേങ്ങലാളി എന്റെ കാതിൽ മുഴങ്ങി..

” പറ… എന്തിനാ.. എന്നോട് ഇങ്ങനെ തല്ലു കൂടുന്നെ.. എന്തിനാ എന്നെ ഇങ്ങനെ വിഷമിപ്പിക്കുന്നെ… കരയിക്കുന്നെ….. പറ.. പറ……. ”

എന്റെ നെഞ്ചിൽ ശക്തിയായി ഇടിച്ചു കൊണ്ട് അവൾ അലറി…

” എനിക്ക് നിന്നേ അത്രക് ഇഷ്ടം ആയതു കൊണ്ട്…. ”

അത്ര നേരവും പറഞ്ഞ നുണകൾ എല്ലാം മാറ്റി നിർത്തി ഉള്ളിന്റെ ഉള്ളിൽ നിന്ന് ആ വാക്കുകൾ പുറത്തു വന്നു. എങ്കിലും ആ പൊട്ടികാളിക്കു ആ വാക്കുകൾ മനസിലാക്കാൻ അല്പനേരം വേണ്ടി വന്നു.. കാളിയമർധനത്തിന് ഒരു ഇടവേള ഇട്ടു അവളെന്നെ സൂക്ഷിച്ചു നോക്കി…

” എന്താ … എന്താ… പറഞ്ഞെ…? “