നിർഭയം 6 [AK] 299

തനിക്ക് സമ്മാനമായി ലഭിച്ചത്… എന്നിരുന്നാലും ഒരിക്കലും പരിധിയിൽ വിട്ട് പെരുമാറാൻ ശ്രമിച്ചിട്ടില്ല.. അതുകൊണ്ടാവാം തന്നോടൊന്നും വിട്ടു പറയാത്തത്… ഇനി ചിലപ്പോൾ സെർവിസിലെ കാര്യങ്ങളുമാവാം….. അതിനിടയിൽ ഒരിക്കൽ നന്ദൻ പറഞ്ഞറിഞ്ഞിപ്പോഴാണ് മാഡത്തിന്റെ മുഖത്തെ വാട്ടത്തിന്റെ കാരണം ഊഹിച്ചത്.. മാമിന്റെ കൂടെ ഉണ്ടായിരുന്ന രണ്ട് പോലീസുകാരും മരണപ്പെട്ടിരുന്നു എന്നതും അവരുടെ കുടുംബത്തോടൊപ്പം തന്നെ അവരും ഇല്ലാതായതും രണ്ടു മരണങ്ങൾ തമ്മിലുള്ള ഇടവേളയും സംഭവത്തിന്റെ ദുരൂഹത കൂട്ടുകയാണുണ്ടായത്… അത്‌ മഞ്ജു മാഡത്തിനെ ആകെ തളർത്തിയതായി തോന്നിയെങ്കിലും പിന്നീട് ഭ്രാന്ത് പിടിച്ചത് പോലെ എൻകൌണ്ടറുകൾ ചെയ്യുന്ന മാഡത്തിനെതിരെ പല നടപടികളും ഉണ്ടായി.. അതിലൊന്നും കൊല്ലപ്പെട്ടത് അത്ര നല്ലവന്മാരൊന്നുമല്ലെങ്കിലും പല സംഘടനകളും അവന്മാർക്ക് അനുശോചനവും വക്കാലത്തുമായി വരികയുണ്ടായി…എന്തായാലും അടുത്ത ആഴ്ച ഇവിടത്തെ ട്രെയിനിങ് കഴിയുമെന്നത് ബാക്കി വെച്ചിരുന്ന ഒരുപാട് കാര്യങ്ങൾ തീർക്കാനാവുമെന്ന് പ്രതീക്ഷ നൽകുന്നു..

“വിവേക്… തനിക്കൊരു വിസിറ്റർ ഉണ്ട്..”

ഒരാൾ വന്നത് പറഞ്ഞു പോയപ്പോൾ ഈ വൈകിയ വേളയിൽ അതാരാണെന്ന് ആലോചിക്കാതിരുന്നില്ല….. ഈ സമയത്ത് തന്നെ കാണാൻ ആരും വരാറില്ല… സാധാരണ വരുന്നവരോടൊക്കെ ഇനി വരേണ്ടെന്നതും പറഞ്ഞിരുന്നതാണ്… എന്നാലും ഒന്ന് പോയി നോക്കി…നന്ദനായിരുന്നു അത്‌..പക്ഷെ ആ രൂപത്തിൽ എന്തൊക്കെയോ ഒരു മാറ്റം.. ആകെക്കൂടെ ക്ഷീണിച്ച പോലെ..

“ആ നീയോ… നീയെന്താ പെട്ടെന്ന്… എന്തെങ്കിലും പ്രശ്നമുണ്ടോ…”