നിർഭയം 6 [AK] 299

“ഡീ പുന്നാരമോളെ….നിന്നെക്കാളും കരുത്തുള്ള പലരും എനിക്ക് നേരെ നിന്നപ്പോൾ ഇല്ലാതാക്കിയിട്ടുണ്ട്… പിന്നല്ലേ നീ.. പിന്നെ… ഈ കുടുംബവും ഇമോഷൻസും തറ സെന്റിമെൻസും ഉള്ള നിന്നെപോലുള്ള പോലീസ് നായ്ക്കൾക്ക് കുരുപൊട്ടുമ്പോൾ അങ്ങനെ എളുപ്പത്തിൽ നശിപ്പിക്കാൻ പറ്റുന്നതല്ല ജെപിയുടെ സാമ്രാജ്യം… അതോർത്തു വെച്ചോ…ആ മറ്റവളെ നീ സമർത്ഥമായിട്ട് ഒളിപ്പിച്ചു.. എനിക്കെതിരെയുള്ള തെളിവുകൾ നീ ഓടി നടന്നു കണ്ടുപിടിക്കുമ്പോൾ ഞാൻ വെറും ഉണ്ണാക്കനായി നോക്കി നിൽക്കുമെന്ന് കരുതിയോ നീ… ഏത്… ഹഹ ഹഹ.. എത്രത്തോളം വളരുമെന്നറിയണമല്ലോ… ഹിഹി..”

അവന്റെ സംസാരം കേട്ടുകൊണ്ട് അവൾ ഈർഷ്യയോടെ തന്നെ അതിനു തടസ്സമായി പറഞ്ഞുതുടങ്ങി..

“ഡാ മോനെ… നീ എങ്ങോട്ടാ കാത്തിക്കേറുന്നേ.. ഏ.. അവളാണ് നിനക്കെതിരെയുള്ള ആദ്യ തെളിവ്… പിന്നെ… എന്നെ നീ ഒക്കെ ചേർന്ന് ഇല്ലാണ്ടാക്കിയാൽ പോലും നീ ഒക്കെ പെടും.. അതിനുള്ള സകല എടപാടും തീർത്തേച്ചാ മഞ്ജു നിന്റെ കൂട്ടിലേക്ക് കേറി വന്നത്… പിന്നെ കെട്ടിയിട്ട് കിന്നാരം പറയാൻ ഏതു മോന്റെ മോനും പറ്റും.. അഴിച്ചു വിടെടാ നായിന്റെ മോനെ… അവൻ വീട്ടുകാരെ വെച്ച് പേടിപ്പിക്കാൻ നോക്കുന്നു… നീയല്ല നിന്റെയൊക്കെ അപ്പുറത്തവന്മാർ വന്നാലും പതറാത്ത ചുണക്കുട്ടികൾ ഇനീം വരുമെടാ പോലീസിൽ… എന്താ.. സംശയം ണ്ടൊ… “

അവളുടെ സംസാരം ചിരിയോടെ തന്നെ ജെപി കേട്ടു നിൽക്കുന്നുണ്ടായിരുന്നു…

“ആഹാ… എന്നാ ഒരു ഉശിരുള്ള പെണ്ണ്… കണ്ടുപഠിക്കെടാ..”

ചുറ്റുമുള്ള തന്റെ അനുയായികളോട് പറഞ്ഞു കൊണ്ട് തന്നെ അവൻ തുടർന്നു…