നിർഭയം 11 [AK] 204

ചോദ്യഭാവത്തിൽ അവൾ മുഖമുയർത്തിയപ്പോൾ തന്നെ ഞാൻ പറഞ്ഞു…

“തന്റെ പഠനം ഇനി മുന്നോട്ടു കൊണ്ടുപോകണ്ടേ… തന്നെ കൊണ്ട് CAT എഴുതിക്കാനുള്ള കലാപരിപാടിയിൽ ആണ് ഞാനും ചിന്നുവും… ഇത്ര ജീനിയസ്സ് ആയ തല വേസ്റ്റ് ആക്കാനെന്തായാലും പറ്റില്ല… അപ്പൊ നമുക്കതങ്ങു നോക്കുവല്ലേ ചിന്നു… നമ്മളിനി വർക്കിനിറങ്ങുമ്പോൾ ഇവൾ വെറുതെ ഇരിക്കേണ്ട…”

അവളുടെ മുഖത്തെ ആശങ്കഭാവം മനസ്സിലായപ്പോൾ മഞ്ജു പറഞ്ഞു…

“ക്യാഷ്‌ ഒന്നും നീ നോക്കണ്ട… വല്ല്യ ബിസിനസ്‌ ന്റെ ആളാകുമ്പോൾ ഞങ്ങളെ മറക്കാതിരുന്നാൽ മതി..കോച്ചിംഗ് എവിടെ വേണമെന്ന് നോക്കീട്ട് പറയാം.. കേസുമായി ബന്ധമുള്ളത് കൊണ്ട് തൽക്കാലം ഞങ്ങളുടെ കൺവെട്ടത്തു വേണം നീ…..”

“നിക്ക് കോച്ചിംഗ് ഒന്നും വേണ്ട.. ഒറ്റക്ക് പഠിച്ചോളാം..”

ആവേശത്തോടെ പറഞ്ഞു കഴിഞ്ഞപ്പോൾ ആയിരുന്നു ഞങ്ങളുടെ മുഖത്തേക്ക് നോക്കുന്നത്.. ചെറിയൊരു ചമ്മലോടെ അവൾ നാക്കു കടിച്ചു…

“അതാണ് കോൺഫിഡൻസ്… കണ്ടോടാ..”

മഞ്ജു ഗ്രീഷ്മയെ നോക്കിക്കൊണ്ടത് പറയുമ്പോൾ മനസ്സറിഞ്ഞു ചിരിക്കുകയായിരുന്നു ഗ്രീഷ്മ..

ആ ചിരിയിൽ ഞാനും പങ്കു ചേർന്നു…

“അപ്പൊ അമ്മുവിന്റെ വീട്ടിലേക്കൊന്നു പോയി നോക്കണ്ടേ.. അടുത്ത ആഴ്ച നിന്റെ കെട്ടഴിച്ചതിനു ശേഷം നമുക്ക് പോവാം.. “

മഞ്ജു അത്‌ പറഞ്ഞതിന് ശേഷം പതിയെ പുറത്തേക്കിറങ്ങിയപ്പോഴും മൗനമായി ജനലിന്റെ ഓരത്ത് നിൽക്കുന്ന അവളെ കണ്ടപ്പോൾ ഇതു തന്നെ ഇവളുടെ പണി എന്ന് തോന്നാതിരുന്നില്ല..