നിർഭയം 11 [AK] 204

റൂമിൽ കിടക്കുമ്പോഴും എന്തുകൊണ്ടോ എന്റെ മനസ്സാകെ അസ്വസ്ഥമായിരുന്നു…കുറച്ചുനേരം മുന്നേ പുറത്തിറങ്ങിയതാണ് ഗ്രീഷ്മ..

ആരോ വാതിൽ തുറക്കുന്ന ശബ്ദം കേട്ട് നോക്കിയപ്പോൾ അടുത്തേക്ക് വരുന്ന മഞ്ജുവിനെയാണ് കാണാൻ സാധിച്ചത്..ഒരു കുർത്തയും പാന്റും ഇട്ടു നല്ല ഭംഗിയിൽ മുടി ചീകി യാതൊരു ചമയങ്ങളുമില്ലാതെയുള്ള മഞ്ജു മാഡത്തിനെ കാണാൻ നല്ല ഐശ്വര്യമുണ്ടായിരുന്നു..

“എന്താ മാഡം…”

ഞാനത് ചോദിക്കുമ്പോൾ ഒരു ചിരിയോടെ അവർ അടുത്തുള്ള കസേരയിൽ ഇരുന്നുകഴിഞ്ഞിരുന്നു..പതിയെ എഴുന്നേറ്റ് കട്ടിലിലേക്ക് ഞാൻ ചാരിയിരിക്കുമ്പോൾ അവരെന്റെ മുഖത്തേക്ക് തന്നെ നോക്കുകയായിരുന്നു…

“തനിക്കെന്നെ ഒരു സുഹൃത്തായി കാണാൻ സാധിക്കുന്നില്ലെടോ…”

ആ സംസാരം എന്നിലൊരു ചിരി വിടർത്തി…

“ഉണ്ടല്ലോ മാഡം..എന്താ അങ്ങനെ ചോദിച്ചത്…”

“ഡ്യൂട്ടിയിലല്ലാത്തപ്പോൾ നീയെന്നെ പേര് വിളിച്ചോടാ…”