നിഴലായ്…..[നന്ദൻ] 646

“‘നിനക്കെപ്പോൾ മുതൽ ആണു ആമി ഇത് നരകമായി തുടങ്ങിയത്… ഓർമ്മയുണ്ടോ വിവാഹം കഴിഞ്ഞ ആദ്യ നാളുകളിൽ നീ പറഞ്ഞത്… നിനക്ക് ഇത് ഒരു സ്വർഗ്ഗമാണു.. നീ ആഗ്രഹിച്ചതിനും അപ്പുറത്ത് കിട്ടിയ ബന്ധമാണ് എന്റേതെന്നുമൊക്കെ…””

“”അതിപ്പോ പുതു മോടിയിൽ ആരായാലും അങ്ങനെ ഒക്കെ പറഞ്ഞു എന്നിരിക്കും…””

“‘ശെരിയാണ് നിന്റെ വാക്കുകൾക്ക് ആത്മാർത്ഥത ഉണ്ടെന്നു കരുതിയത് എന്റെ തെറ്റ്… വല്ല്യ കാര്യമായ പഠിത്തം ഒന്നുമില്ലാത്ത മകന് വിദ്യാഭ്യാസമുള്ള ഒരു പെണ്ണ് കൂട്ട് വരണം എന്ന് മോഹിച്ചത് എന്റെ അച്ഛനും അമ്മയും ആണു… ജീവതത്തിൽ പലതിനോടും എതിർത് പറഞ്ഞിട്ടുണ്ടെങ്കിലും അച്ഛന്റെയും അമ്മയുടെയും വാക്കുകൾ ഒരിക്കലും എതിർക്കാതെ സമ്മതം മൂളിയതും എന്റെ തെറ്റ്…”

“കൂടുതൽ പറയണ്ട… നിങ്ങൾ ഒരു വലിയ തെറ്റ് തന്നെയാണ്… ആ വലിയ തെറ്റിന്റെ കൂടെ ഇനിയും ജീവിച്ചു എന്റെ ജീവിതം നശിപ്പിക്കാൻ ഞാനില്ല…””

“നീയെന്താണ് ആമി പറഞ്ഞു വരുന്നത്…” സുധിയുടെ ശബ്ദം ശാന്തമായിരുന്നു….

‘”നിങ്ങൾക്കെന്താ ഞാൻ പറഞ്ഞത് മനസ്സിലായില്ലേ… ഹ്മ്മ് അതിനുള്ള വിവരോം വിദ്യാഭ്യാസവും വേണ്ടേ അല്ലെ….. അഭിരാമി പുച്ഛത്തിൽ ഒന്ന് ചിറി കോട്ടി..
“”എന്നാൽ കേട്ടോ എനിക്ക് ഡിവോഴ്സ് വേണം… ഒരുമിച്ചു ഒപ്പിട്ടു കൊടുത്താൽ പെട്ടെന്ന് കിട്ടും എന്നാ വക്കീൽ പറഞ്ഞത്…””

“”ആമീ…”” സുധിയുടെ ശബ്ദം ഉയർന്നു…

“”നീ പറയുന്നത് എന്താണെന്നു നിനക്ക് അറിയ്യോ… നീ സ്വബോധത്തോടെ ആണോ പറയുന്നത്… ഞാൻ കെട്ടിയ താലി തോന്നുമ്പോൾ വലിച്ചെറിയാവുന്ന വെറും ഒരു ചരട് ആണെന്നാണോ നിന്റെ വിചാരം…””

“”പിന്നല്ലാതെ… എനിക്കിപ്പോ ഇത് ചരടല്ല… ചങ്ങലയാണ്…. ഇന്നാ നിങ്ങടെ ഒരു താലി… “”
കഴുത്തിൽ നിന്നും വലിച്ചു പൊട്ടിച്ച മാല അഭിരാമി ബെഡിലേക് വലിച്ചെറിഞ്ഞു…
താലി ബെഡിൽ നിന്നും ഊർന്നു നിലത്തേക് വീണു… അതൊന്നും ശ്രദ്ധിക്കാതെ അഭിരാമി ചവുട്ടി തുള്ളി കൊണ്ട് പുറത്തേക് നടന്നു..