നിഴലായ് അരികെ – 20 – ക്ലൈമാക്സ്‌ | Nizhalay Arike – 20 | Author : ചെമ്പരത്തി

[ Previous Part ]

 

സ്നേഹം നിറഞ്ഞ വായനക്കാരോട്………

നിഴലായ് അരികെ എന്ന ഈ കഥ എന്റെ ആദ്യ ശ്രമം ആണ്……അതിനെ നെഞ്ചേറ്റിയ പ്രിയവായനക്കാരോടും , അതേ പോലെ തന്നെ പല സന്നിഗ്ദ്ധഘട്ടങ്ങളിലും എന്നെ സഹായിച്ച തമ്പുരാൻ, പ്രവാസി, ജ്വാല, വൈറസ്, etc……. തുടങ്ങിയവരോടെല്ലാം (എല്ലാ കവർ പിക് കൾക്കും കടപ്പാട് തമ്പുരാനോട് ആണ് )

ന്റെ ഹൃദയം നിറഞ്ഞ സ്നേഹം അറിയിക്കട്ടെ…..

തുടർന്നു വായിക്കുക…. അഭിപ്രായങ്ങൾ പറയുക….

 

നിഴലായ് അരികെ

 

തന്റെ മുന്നിൽ അലറിക്കുതിച്ചോഴുകുന്ന വെള്ളം പോലെ നന്ദന്റെ പ്രജ്ഞയിലേക്കിരച്ചു കയറിയ ഇരുട്ടിന് പിടി കൊടുക്കാതവൻ അവൾക്കു പുറകെ വെള്ളത്തിലേക്കു കുതിച്ചു….

എന്നാൽ നിലത്തു നിന്ന് അവന്റെ  കാൽ പറിയുന്നതിനു മുന്നേ തന്നെ ഓടിയെത്തിയ ഗാർഡുമാരിൽ ഒരാൾ അവന്റെ വയറിനു കുറുകെ ചുറ്റിപിടിച്ചു പുറകോട്ട് വലിച്ചു….

 

“അമ്മൂ…..”

എന്നൊരു നിലവിളിയോടെ അയാളുടെ കൈയ്യിൽ നിന്നും കുതറിമാറാൻ നന്ദൻ ശ്രമിച്ചുവെങ്കിലും തകർന്ന മനസ്സിന് ശരീരത്തെ നിയന്ത്രണത്തിൽ ആക്കാൻ കഴിയാതിരുന്നതിനാൽ ആകണം,ആ പിടിവിടുവിക്കാൻ അവനു കഴിഞ്ഞില്ല….

 

അതേ സമയം പുറകെ ഓടിയെത്തിയ ഗാർഡുമാരിൽ മറ്റൊരാൾ തെന്നിത്തെറിച്ച, ചെങ്കുത്തായ പാറക്കെട്ടുകളുടെ വിളുമ്പിലേക്ക് വേഗത്തിൽ വളരെ ശ്രദ്ധയോടെ നീങ്ങി……